किशाेर महर्जन
आध्यात्मिक कारण
१. न्ह्यागुं छु जुइ उकिया छगू बल्लाःगु आध्यात्मिक कारण दयाच्वनीगु खँय् जिं विश्वास याना, चाहे उकियात झीसं बांलागु वा बामलागु रूपं काये । जब जिं उकि दुबिना विचाः याना, कोभिड – १९ पाखें झीत छु यानाच्वंगु दु धयागु खँय् जिं छुं ज्ञान कया, जिं थन कनेगु मत्ति तयाच्वना ।
१. झीगु धर्म, सम्प्रदाय, पेशा, वित्तीय अवस्था वा झीगु कीर्तिया अलावा थुकिं झीत झी सकलें समान खः धयागु लुमंका ब्यूगु दु । थ्व ल्वचं झी सकसितं समानरूपं व्यवहार याःगु दु अले सम्भवतः झीसं अथे हे यायेमाली । यदि छि पत्या जुया मदीसा टम हान्कयाके न्यनादिसँ ।
२. थुकिं झी सकलें छम्ह मेम्हनाप स्वानाच्वंगु दु धयागु खँ लुमंका ब्यूगु दु । सुयात प्रभाव याइगु छता खँ मेम्हेसित नं प्रभाव याइ । थ्व भाइरसयात राहदानी म्वाःगुलिं झीसं दयेकागु म्वामदुगु सीमाया छुं मूल्य मान्यता मदुगु खँ झीत धाइ । थुकिं झीत म्हो ईया निंतिं दबाबय् तयाः थ्व संसारय् दमन व दबाबय् म्वानाच्वनागु अवस्थायात लुमंका ब्यूगु दु ।
३. थुकिं झीत झीगु स्वास्थ्य गुलि महत्वपूर्ण जू धकाः क्यनाच्वंगु दु अले झीसं गुलि अपौष्टिक नसा नयाः स्वास्थ्ययात बेपर्वाह यानाच्वंगु दु धयागु लुमंका ब्यूगु दु ।
४. थुकिं झीत झीगु जीवन गुलि चिहाः धकाः लुमंका ब्यूगु दु अले चिहाः जीवनय् झीगु लागि छु यायेगु आवश्यक दु धयागु स्यनाब्यूगु दु । झीसं यायेमाःगु व ज्या छम्ह मेम्हलिसेया ग्वहालिं हे खः । विशेषयाना ल्गचंकःपिं मनूतय्गु । झीगु आज्जु धयागु ट्वाइलेट पेपर रोल न्यायेग थें मख ।
५. थुकिं झीगु समाज गुलि व गुकथं भौतिकवादी जूगु दु धयागु क्यनाब्यूगु दु । आपतया इलय् झीगु निंतिं नसा, लः व वासः गुलि महत्वपूर्ण जू धयागु क्यनाब्यूगु दु, जबकि झीसं मेमेगु इलय् अनावश्यक वस्तुयात अप्प महत्व बियावयाच्वंगु दु ।
६. थुकिं झीत झीगु परिवार व घरेलु जिन्दगीया महत्व स्यनाब्यूगु दु गुगु झीसं मेगु इलय् बेवास्ता याना वयाच्वनागु दु । थुकिं झीत झीगु छेँ लिहाँ हु धयाच्वंगु दु अले छेँय् च्वनाः हाकनं परिवार भिंकेगु व पारिवारिक एकता बल्लाकेत मौका ब्यूगु दु ।
झीगु वास्तविक ज्या
७. थुकिं झीत झीगु ज्या वास्तविक ज्या मखु धयागु स्यनाब्यूगु दु । व झीसं यायेगु ज्या खः अले उलि जक यायेत झी जन्म जूगु मखु, झीसं यायेगु ज्या जक खः धकाः लुमंका ब्यूगु दु । झीगु वास्तविक ज्या धयागु छम्हेसिनं मेम्हेसिगु हेरविचार यायेगु, सुरक्षा बीगु व छम्ह मेम्हसिया फाइदाया लागि ज्या यायेगु खः ।
८. थुकिं झीत झीगु अहंकार वा दम्भया परीक्षण यायेगु लुमंका ब्यूगु दु । झीसं थःपिन्त न्ह्याक्वः हे तःधं धकाः विचाः याये वा मेपिसं झीत न्ह्याक्वः हे तःधं धकाः विचा यायेब्यू तर छगु भाइरसं झीगु अवस्थायात निस्क्रिय याना बीफु ।
९. थुकिं झीगु स्वतन्त्र कर्मया शक्ति भलीगु ल्हातय् दुगु खँ स्यनाब्यूगु दु । झी सहयोगी, दयालु, सहायक जुइगु ख वा स्वार्थी, थःगु बारे जक विचाः याइम्ह जुइगु खः, थःगु हे ल्हातय् दु । वास्तवय् मछिनिबलय् हे मनूतय्गु सक्कली ख्वाःपाः न्ह्योने हइ ।
१०. थुकिं झीत झी धैर्यवान जनुइ फु कि आत्ते चायेफु धयागु खँ स्यनी । झी या त थ्व अवस्था न्हापा नं विश्वय् वःगु खः अले आः न्हना वनी धकाः थुइकी वा थ्व हे विश्वया अन्त्य खः धकाः विचाःयाना आत्ते चाया जुइ ।
११. थुकिं झीत थ्व अन्त्य जुइफु या त न्हूगु सुरुवात जुइफु धकाः स्यना बी ।
१२. थुकिं झीत झीगु पृथ्वी ल्वचं कयाच्वंगु दु धकाः धयाब्यूगु दु । झीसं झीगु ट्वाइलेट पेपरया भवँ फू गुलि याकनं लुमंका बी, झीगु वनविनाशया अवस्थायात नं उलि हे याकनं थुइा ब्यूगु दु । झीगु छेँ ल्वचं कयाच्वंगु दु । उकिं झी नं बिरामी जुयाच्वंगु दु ।
१३. थुकिं झी सकसितं मछिंगु थासय् थ्यंने धुंकाः अपुगु ई वइगु खँ स्यनाब्यूगु दु । जीवन छगू चक्र थें खः, आःया संकट नं चक्रया छगू चरण खः, झी आत्ते चाये मज्यू, थ्व नं टरे जुयावनी ।
१४. यक्वसिनं कोरोना (भाइरस कोभिड(१९) यात तःधंगु प्रकोपकथं कयाच्वंगु इलय् जिं थुकियात छगू गल्ती भिंकेगु मौकाकथं खनाच्वनागु दु । झीसं ल्वमंकूगु महत्वपूर्ण पाठ थुकिं लुमंका ब्यूगु दु । झीसं थुकि पाठ सयेकेगु खः कि मखु थ्व झीगु हे ल्हातय् दु ।
