सामाजिक संजालय् हाकनं छकः म्येया प्रति यक्व हे सकारात्मक कमेन्टस् वयाःच्वंगु दु । नांजाःम्ह संगीत संयोजक जिवित जल्मीं थुगु म्येयात कयाः धयादिइ की – अय्लाः त्वनाः प्याखँ हुलेगु म्ये जक बाँलाये माः धैगु मदु । झीथाय् आपलं कमरसियल मजूगु म्ये दु गुगु झीगु जीवन लिसे स्वानाच्वं । थुगु म्ये नं अज्याेगु हे म्ये खः । ज्योति म्यूजिकं थथे हे म्ये न्ह्यब्वःगु दु धकाः तारिफ यानादीगु दु । थुगु म्येया दक्व हे पक्ष बांलाः धकाः तारिफ यानादीगु दु ।
चिपगु निलःया निर्देशक याेवन शाक्यं थुगु म्येयात नुगलय् थिइगु म्ये धकाः कमेन्ट यानादीगु दु ।
ज्योति म्यूजिकया न्ह्यब्वयाय् न्हूगु म्यूजिक भिडियो हाकनं छक पिदंगु दु । निर्देशक विश्वास बज्राचार्यया निर्देशनय् थुगु म्येय् सुरज ब्यंजनकार व रोजिना सुवालया सशक्त अभिनय् दुथ्यानाच्वंगु दु ।
थुगु म्ये सुरज ब्यंजनकार च्वयाः, लसय् हनातःगु खःसा मेम्ह लोकंह्वाःम्ह म्येहालामि निशा देशारं हालातःगु खः । अकृष्ट शाक्यं छायाँकन व सम्पादन यानातःगु थुगु भिडियोस म्येया संगीत संयोजन इन्द्र ब्यंजनकारं यानातःगु दु ।
कलाकार राेजीना सुवालं नं थःगु फेसबुक पाेष्टय् थुगु म्येया बिषलय् छलफल जूगु इलय् हे थुगु म्ये आपलं हे मनूत लिसे स्वाइगु म्ये जुइ धकाः बिचाः वंगु खँ नं च्वयाः सेयर यानादीगु दु ।
Yako subhaye.. 😇🙏