नेपालभाषा मनोरंजन ख्यःया सकृय एवं कर्मठ कलाकार दिवंगत स्वतन्त्र संसार महर्जन या पुण्य तिथि (साउन १५) लुमंकुसें पेजथ्री बाःछिपौया ग्वसालय् स्वतन्त्र संसार महर्जन लुमन्ति ज्याझ्वः यायेत्यंगु दु ।
गुँलाथ्व पारु,११४६ (साउन २८, २०८३) खुन्हु किर्तिपुर सिनेप्लेक्सय् सुथय् ८ः३० बजे दिवंगत स्वतन्त्र संसार महर्जनया लुमन्ति ज्याझ्वः याये त्यंगु खः ।
थुगु ज्याझ्वःस पेजथ्री स्वतन्त्र संसार महर्जन विशेषांक पिथनेगु लिसें स्वतन्त्र संसार महर्जनयात लुमंकाः दिपक विवस आँशुया रचनाय् दिपा महर्जनया सलय् व सुरन्द्र श्रेष्ठया लसय् फर्कि आउ म्ये पिथने त्यंगु खःसा थुगु भिडियो योवन शाक्यया निर्देशनय् तयार खः ।
थुगु ज्याझ्वलय् सकलसित ब्वति कायेत इनाप याःगु दु ।
