सिथि नखः वये न्ह्यः निसें हे जेठ ३० गते न्हूगु नेपालभाषाया म्ये पिदनी धकाः बय्बय् जुयाःच्वंगु सलिंचाय् म्ये सिथिनखः खुन्हु पिदंगु दु । छम्ह पर्दा ल्यूने च्वनां प्राविधिकि कथं ज्या न्ह्याकाच्वंम्ह रजीन महर्जन थुगु पालय् पर्दा न्ह्योने कलाकार राष्ट्रिका शाक्य लिसें रोमान्स यानाच्वंगु खने दत । आर मानन्धरया च्वसा व सतिश महर्जनया सः अले दिनेश श्रेष्ठया संगीत संयोजनय् तयार जूगु थुगु भिडियो नं रजीन महर्जनं हे निर्देशन याःगु खः ।
छुं ई न्ह्यः तिनि हे पिदंगु छंगु म्हगः गुलि बांलाः म्ये या सिक्वेल धकाः प्रचार यानातःगु थुगु म्ये खःसा थुगु म्ये नं मगन इन्टरटेन्मेन्टं हे पिथंगु खः । रजीन महर्जनया अभिनययात यक्वस्यां सकारात्मक रुपं कयाःतःगु सामाजिक संजालय् वयाच्वंगु प्रतिकृयां खने दु ।
थुगु म्ये किपूया लायकुलिइ छायांकन यानातःगु दु सा बिक्रम महर्जनं कला निर्देशन, राज महर्जनं सहायक निर्देशन व संजिव रत्न शाक्यं कलर करेक्शन यानातःगु दु ।
