नृत्य निर्देशक विनोद बज्राचार्य मन्त । विनोद बज्राचार्य पर्दाया ल्यूने च्वनाः कोरियोग्राफि याइम्ह जूगुलिं आपासिनं वय्यात म्हमसिइ फु तर वय्कःया निर्देशन व कोरियोग्राफिया म्ये स्वल धाःसा वय्कःया ज्यायात आपसिनं म्हसिकी । नेपालभाषा ख्यःया छम्ह प्रतिभावान नृत्य निर्देशक विनोद बज्राचार्य लिपांगु इलय् नेपालभाषाया म्यूजिक भिडियो ख्यलय् सकृय जुयाः भिडियो निर्देशन यानाच्वंम्ह खः । काल जिगु नुगः सुनां, छंगु बानी, गन छु, जिगु मनया, तिमिलाया जः थें जाःगु लोकंह्वाःगु म्यूजिक भिडियो दु सा पेजथ्री पिपल्स च्वइस अवार्ड ११३३य् संकिपा छ हे मदुसाया म्ये सुला सुला पाखें उत्कृष्ट कोरियोग्राफरया निंतिं नामांकन जुयादीगु खः ।
छुं ई न्ह्यः निसें वय्कः सिजुअर Seizure ल्वचं नं कयाच्वंगु खः । उसाँय् बांमलाना गँसिनं जुयाःवनाच्वंगु व इलय् व्यलय् म्हं मफयाः अस्पतालय् यंके नं मालाच्वंगु खः । थथे हे म्हं मफयाच्वच्वं सिजुअर ल्वचं हे मदइ वंगु खँ पारिवारीक श्रोत पाखें जानकारी नं ब्यूगु दु। मदुम्ह विनोद बज्राचार्यया सुगतिया कामना याना ।
