जेन् जि आन्दाेलनय् घाःपाः जुयाः सिभिल अस्पतालय् वाःसः यानाःच्वंपिंत नेवा: एकता अभियानया आह्वानय् नापलाःवंगु दु ।घाःपाः जुपिंसं नेपाःया युवातयगु भविष्य अनिश्चित जुगु व युवाया भविष्य सुरक्षित जुइमाःगु माग यासें भ्रष्टाचारी व गोलिं कयेकुपिन्त कठाेर कारवाहीया माग यागु दु ।
अन्तरिम सरकारं जेन् जि आन्दोलनय् घाःपाः जूपिनिगु अवस्था स्वयाः घाःपाः जूपिनिगु मनोबल थहाँवइगु कथं क्षतिपूर्ति बीमाःगु माग नेवाः अभियानया आह्वानय् उपस्थित जुपिंसं याःगु दु ।
नेवा: एकता अभियानया कुमुद श्रेष्ठ, नेवा’: दे दबूया नायः पबित्र बज्राचार्य, अभियानकर्ता राजाराम तन्दुकार, नेवा: एकता अभियानया संस्थापक दूज: पबित्र ताम्राकार, शर्मीला, अजय, डब्लु एन ओ जापानया नायः जनक राज शाक्य, जय नेवाया प्रतिनिधि बिजय लिसें थी थी ब्यक्तित्वपिं उपस्थीत जुयादीगु ख: l
नेवाः एकता अभियानपाखें सिभिल अस्पताल भ्रमणया व्यवस्था यानादीगुलिं डा. दिपेश शाक्य व सकल मेडिकल पुचःयात नं सुभाय् देछाःगु दु !
