बिनेश खड्गीया निपु म्यूजिक भिडियो छत्रपाटी पार्टी प्यालेसय् पिदन । बिनेश खड्गीया सलय् निपू म्ये “यें देया येँयाः” व “छं न्हिला दः स्वःगु” निपु म्यूजिक भिडियोया पितब्वज्या जूगु खः ।
वरिष्ठ म्ये हालामि जुजुकाजी रंञ्जित मूपाहाँ कथं झायादीगु थुगु निपु म्येया भिडियोया पितब्वज्याय् नेपालभाषाया वरिष्ठ सिने पत्रकार विजयरत्न असंबरें समीक्षात्मक टिप्पणी यानादीगु खः । पिदंगु निपु म्ये मध्ये छं न्हिला दः स्वःगु म्ये अमृतरत्न शाक्यं च्वया लय् चिनादीगु खःसा ’यें देया येँयाः म्येया च्वमि व लय् चिनामि गोविन्द ह्यूमत खः ।
छं न्हिला दः स्वःगु म्येया निर्देशन बरिष्ठ निर्देशक पवन जोशी खःसा येँदेयया येन्या म्येया निर्देशक बाल मुकुन्द प्रजापति खः । निपुं म्येया एरेञ्जर अनिल शाही खः । शैलेश श्रेष्ठं छायांकन यानादीगुु निपुं म्येया निर्माण ब्यवस्थापन केबिएस लुभु प्रोडक्सन हाउस खःसा निर्माण परिकल्पनाकार केबिएस लुभु खः ।
’छं न्हिलाः दः स्वःगु म्येय् कलाकार कथं बिशान्त खड्गी व पूजा शाहीया मू भूमिका दु अले येँ देया येँन्याः.. म्येया कलाकारपिं किरण जोशी व संयुक्ता खड्गी दु । ज्याझ्वलय् कलाकारपिन्त खादा सम्मान पत्र व मतिनाया चिं मू पाहाँ जुजुकाजी रञ्जितं लः ल्हानादीगु खः ।
