अमेरिकाया कोलोराडो राज्यय् च्वनाच्वंपिं नेवाः समुदाय पाखें दीर्घकालीन सांस्कृतिक, भाषिक व सामाजिक योगदानया औपचारिक मान्यता ब्यु्सें, कोलोराडो राज्यय् अक्टोबर २३ तारिख खुन्हु “नेवाः दिवस”या रूपय् घोषणा यानाच्वंगु दु । कोलोराडो राज्यया गर्भनर जारेड पोलिसया हस्ताक्षरया साथ जारी यानातःगु राज्यस्तरीय घोषणा पत्रय् (उचयअबिmबतष्यल) थ्व दिवसयात आधिकारिक मान्यता ब्यूगु दु ।
उगु घोषणा पत्रय् काठमाडौं उपत्यकाया आदिवासी नेवाः समुदाय नेपालभाषा, समृद्ध संस्कृति व अद्वितीय कलात्मक परम्पराया वाहक खः धाः स्पष्ट रुपं उल्लेख यानाच्वंगु दु । लिसें नेवाः समुदायया कोलोराडो राज्यया सांस्कृतिक विविधता व आर्थिक जीवन्तताय् योगदान महत्वपूर्ण दु धकाः नं उल्लेख यानातःगु दु।
घोषणा पत्र कथं कोलोराडो नेवाः खलः छगू गैर–नाफामूलक संस्था खः, गुकिं नेवाः भाषा, संस्कृति व परम्पराया संरक्षण लिसें प्रवद्र्धनय् सक्रिय भूमिका म्हिताच्वंगु दु । थ्व संस्थां कोलोराडोय् बसोबास यानाः नेवाःत व अमेरिकीतय् दथुइ आपसी समझदारी, एकता व समुदाय भावना बल्लाकाः निरन्तर ज्या नं यानाच्वंगु दु ।
दशकौंनिसें कोलोराडोय् च्वनाच्वंपिं नेवाःतय्सं नेपालभाषा हे छय्लाः थःपिनिगु मौलिक नखः चखः एवं संस्कार व परम्पराया निरन्तरताय् विशेष योगदान नं बियाच्वंगु दु । न्हूगु पुस्तालिसे मातृभाषा व पहिचान हस्तान्तरण यानाः् नेवाः समुदायया थज्योगु कुतःयात थुगु घोषणा पत्रं थप उत्साह व नैतिक बल बियाच्वंगु खँ कोलोराडो नेवाः खलःया महासचिव संजय शाक्यं लसता प्वंकादीगु दु।
कोलोराडो नेवाः खलःया नायः भूषण लाल श्रेष्ठं “नेवाः दिवसया्” घोषणा नेवाः समुदायया निंतिं जक मखुसे समग्र नेपाःया सांस्कृतिक पहिचान अन्तर्राष्ट्रिय स्तरय् उजागर यानाय् छगू महत्वपूर्ण उपलब्धि चु लाःगु दु धकाः धयादीगु दु ।
