छुं ई न्ह्यः जक हाकु पर्सि सिनां बोलया म्ये ज्वनाः वःम्ह म्ये हालामि ईश्वर मघैयाया न्हूगु नेपालभाषाया म्ये छ लिसे तापाना पिदंगु दु । थुगु म्ये संगीतकार इन्द्र ब्यंजनकारया संगीतय् लोकंह्वानाच्वने धुंकुगु म्ये खःसा म्येय् सुशील राजोपाध्यायं च्वयातःगु खः । म्येया संगीत संयोजन बिजेश्वर तण्डुकारं यानातःगु दु । थनिं १० न्ह्यः हे रेकर्ड जुयाःच्वंगु थुगु म्ये हाकनं छक्व रिकर्ड यानाः म्ये हालामि ईश्वर मघैयां हे हालातःगु खःसा उगु इलय् सपन्दन नांया एल्बमय् थुगु म्ये पिदंगु खः ।
सुरज नापितया परिकल्पना, निर्देशन लिसें कोरियोग्राफ यानातःगु थुगु भिडियोस सुदित श्रेष्ठ व राष्ट्रिका शाक्यया अभिनय दु । म्येयात यइपुक्क छायाँकन सोहन मानन्धरं यानातःगु दुसा सम्पादन नं सोहन मानन्धरं हे यानातःगु दु । भिडियोस मेकअप रीना महर्जनं यानातःगु दु ।
नेपाली म्ये जगतय् २२गू एल्बम पिकाये धुंकुम्ह गायक ईश्वर मघैयां आः नेपालभाषाया म्ये हालाः वनेगु खँ पेजथ्रीयात कंगु दु । वय्कलं दच्छि निपू नेवाः म्यूजिक भिडियो पिकायेगु थःम्हं ग्वसाः ग्वयातइगु खँ नं कंगु दु ।
