जनकवि दुर्गालाल श्रेष्ठया च्वसां पिदंगु छपू म्ये जिगु गर्वया म्यूजिक भिडियो दुर्गालाल साहित्य प्रतिष्ठानया ग्वसालय् पिदन । थुगु म्ये रत्नशोभा महर्जनं हालातःगु खःसा गुजे मालाकारं लसय् हनातःगु खः व जिवित जल्मिं संगीत संयोजन यानातःगु खः। थुगु म्येया भिडियो निर्देशन विश्वास बज्राचार्यं यानातःगु खः । थुकी सुचिता श्रेष्ठ, मनोज महर्जन व लजना महर्जनया मू भुमिका दु । म्येया कोरियोग्राफी रंजु श्रेष्ठं यानातःगु दु ।
थुगु म्येय् किपूमिया बिषयलय् च्वयातःगु खः । म्येय् किपुलिइ शाह जुजु पृथ्वीनारयण शाहलं याःगु अनेकौं आक्रमणयात कयाः न्ह्यब्वयातःगु दु । किपूया इतिहास न्ह्यब्वयेगु कुतः यानातःगु दु ।
थुगु हे ज्याझ्वःस जनकवि दुर्गालाल श्रेष्ठया खूगु सफू नं बिमोचन जूगु खः । ज्याझ्वःलय् एकेदेमिया चान्सलर मल्ल के सुन्दरलिसे सुरेश किरणया जनकवि दुर्गालाल श्रेष्ठयात कयाः अन्तक्रिया ज्याझ्वः नं जूगु खः ।
