नेवाः पत्रकार राष्ट्रिय दबू येँया ग्वसालय् १५न्हू न्हिंया आधाभूत पत्रकारिता तालिम जेठ १५गते निसें शुरुयाःगु दु । नेवाः पत्रकार राष्ट्रिय दबू येँया अध्यक्ष अरविन्द्रमान सिहंया सभापतित्वय् ज्याझ्वः न्ह्याःगु औपचारिक ज्याझ्वलय् येँ महानगरपालिका १५ वडाया वडा अध्यक्ष ईश्वर मान डंगोलया मू पाहांकथं झायादीगु खः । ज्याझ्वलय् नेवाः पत्रकार राष्ट्रिय दबूया केन्द्रीय अध्यक्ष सुरजवीर बज्राचार्य, येँ जिल्ला निवतर्मान अध्यक्ष नातिकाजी महर्जन, आदिवासी जनजाति पत्रकार संघ फोनिजया येँ जिल्ला अध्यक्ष शैलेश डंगोल, आदिवासी जनजाति पत्रकार संघ फोनिज ललितपुर जिल्लाया अध्यक्ष संजय श्रेष्ठ प्रशिक्षक सुरेश किरण मानन्धर उपस्थिति जुयादीगु खः ।
ज्याझ्वःलय् मू पाहां इश्वरमान डंगोलं पत्रकारिता समाजया न्ह्याकं जूगुलिं सत्यतथ्य खँ पितबिइमाःगु खँ कनादिल। समाजय् जनचेतना बिइत थीथी वृत्तिविकासया तालिम मध्ये पत्रकार तालिमया महत्व आपालं दुगु खँ कनादिल ।
मुक्कं ५० म्हेस्यां ब्वतिफकयाच्वंगु उगु तालिमयात नेवाः पत्रकार राष्ट्रिय दबूया सल्लाहकार नापं नेपालभाषा टाइम्स दैनिकया सम्पादक सुरेश मानन्धरं तालिम बियाच्वंगु दु ।
