सज्जु मानन्धर व निशा देशारया न्हूगु युगल म्ये खनागु जिं छन्त गन ? युट्युबय् रिलिज जूगु दु । नेपालभाषाया नां जाःपिं कलाकार योगेन महर्जन व आराध्या लक्ष्मी खड्गीया अभिनय दुगु थुगु म्ये वरिष्ठ म्यूजिक भिडियो डाइरेक्टर सुरोज महर्जनं निर्देशन याःगु । सोहन मानन्धरया छायाँकन व सम्पादन यानातःगु थुगु म्येय् सनम कुमार श्रेष्ठ व पुजा शाहीं मेकअप यानातःगु दु ।
थुगु म्ये राजु मानन्धरया च्वसां पिज्वःगु म्ये खः । सज्जु मानन्धरया म्ये थौंकन्हे सामाजिक संजालय् खनेदयाच्वंगु दुसा थुगु म्येय् निशा देशारलिसें हालातःगु दु ।
म्येया संगीत व संगीत संयोजन जुगल डंगोलया दु ।
