नेवाः पत्रकार राष्ट्रिय दबू येँ कचाया न्हूगु ज्याकू लखतीर्थय् येँ महानगरपालिकाया मेयर विद्या सुन्दर शाक्यं यानादिल । नेवाः पत्रकार दबूया केन्द्रीय नायो सुरजवीर बज्राचार्य, येँ कचाया नायो अर्विनमान महर्जन, ज्याझ्वःया कजि मनोजरत्न शाही, कचा दबूया न्वकु प्रविन महर्जन लगायतपिन्सं नेवाः पत्रकारतय्गु विषयलय् नुगः खँ तःगु खः । येँ कचाःया छ्याञ्जे रत्नकाजी महर्जनं थुगु कचां आः तक याना वयाच्वंगु ज्याया बारे जानकारी बियादीगु खः । ज्याकुथि चायकेत तिवः बियादीपिन्त मेयर भाजु शाक्यजुया ल्हातं सुभाय् पौ लःल्हागु खः । नुगः खँ तयेगु झ्वलय् मेयर शाक्यं नेवाः त छप्पं जुइ मफूगु खँय् दुःख प्वंकादिल । लिसें सकलें छप्पं जुयाः ज्या यानावनेमाःगु खँय् बः बियादील । ज्याझ्वः कचाया ल्यूछ्याञ्जे विनिता खडगीं न्ह्याकूगु खः ।
