प्यंगू दसकनिसें मातृभाषा पत्रिकारिता याना वयाच्वना दिइम्ह ईलोहं प्रकाशन प्रा लिया प्रवन्ध निर्देशक नरेशवीर शाक्ययात थुगु दँया ‘ज्ञानदेवी मणी स्मृति पत्रकारिता पुरस्कार’ लःलहाःगु दु । नेवाः पत्रकारतय्गु राष्ट्रिय सगठन नेवाः पत्रकार राष्ट्रिय दबूया प्यक्वःगु महाअधिवेशन व झिक्वःगु दँमुँज्याय् शाक्ययात उगु सिरपा ज्याझ्वःया मूपाहाँ उपप्रधानमन्त्री एवं भौतिक पूर्वाधार मन्त्री नारायणकाजी श्रेष्ठं हना–पौ, दोसल्ला लिसें सिरपा दातां नगद तका लःल्हाःगु खः ।
ईलोहं प्रकाशन प्रा लिं मातृभाषा पत्रिकारिताय् नेपालभाषां मचा पत्रिका ‘ईलोहं लय्पौ’, विचारप्रधान बाःछिपौ ‘लाय्कु’ नेपालभाषा व खस नेपालीभाषां छथासं, ‘पेजथ्री’ नेपालभाषा मनोरञ्जनात्मक बाःछिपौ, ‘नःलि’ साहित्यिक लय्पौ, ‘नेपाल लिपि’ प्रचलित नेपाल लिपि लय्पौ, ‘लुँआखः’ रञ्जना लिपिया लयेपौ व अग्रेजीभाषं लय्पौ ‘दि नेवारलाय्ण्ड’ नियमितकथं पिथना वयाच्वंगु दु ।
‘ज्ञानदेवी–मणी स्मृति पत्रकारिता पुरस्कार’ समाजसेवी मोतिशान्ति शाक्यं थः मां अबुया नामय् नीस्वनातःगु सिरपा खः । थुगु सिरपाया नगद नीद्व तका दु ।
