गोदावरी नगरपालिका स्थीत नेवाः इंग्लिस स्कुल थेच्वय् साइन्स एक्जिबिशन माघ २७ खुन्हु जुइत्यंगु दु । थुगु एक्जिबिशनया मूल उद्देश्य धैगु हे मस्तय्गु गतिविधि लिसें मस्तय्गु क्षमता विकासयात ब्यवहारिक रुपं न्ह्यब्वयेगु धकाः स्कुलया प्रिन्सीपल नविन थेच्वमिं कनादीगु दु ।
मस्तय्सं स्कुलय् गुलि सयेकल व गुलि थुइकल धकाः व्यवहारिक रुपं ब्वयेगु हे थौंया शिक्षा पद्दति खः धाःसें थुगु एक्जिबिशनया मेगु आकर्षक पक्ष थन नसाज्वलं नं दइगु खँ तयाःदीगु दु । स्कुलया ब्वनामिपिंसं हे खानाया स्टल तयाः संचालन याकीगु ग्वसाः जुयाःच्वंगु खँ प्रिन्सीपल थेच्वमिं न्ह्यथनादीगु दु । थुकींयानां मस्तय्सं आःखः ब्वनेगु जक मखुसे मस्तय्सं जीवन न्ह्याकेत माःगु ब्यवस्थापकीय गुण सयेकीगु खँ वय्कलं धयादीगु दु । ज्याझ्वःलय् सकसितं लसकुश यानातःगु दु ।
नेवा बस्ती नेवाः स्कुल अभियान अन्तर्गत मातृभासांया माध्यमं स्थानीय् नेपालभाषाया कक्षा संचालन याःगु न्हापांगु स्कुल नेवाः इंग्लिस स्कुल थेच्व खः ।
