नेसं ११३१या लसताय् पिदंगु छचाः म्येचाः मतिनाया चिखिया टाइटल ट्र्याक – मतिनाया चिखि बोलया म्येया म्युजिक भिडियो रिलिज जूगु दु । छुं कथंया औपचारिक ज्याखँ मयासे युट्युबय् थुगु म्ये रिलिज याःगु खः ।
संगीत गुरु धन बहादुर गोपालिया सः अले हरिशरण साय्मिया संगीत लिसें दुर्गालाल श्रेष्ठया शब्द दुगु थुगु म्येय् रूपेन्द्र श्रेष्ठ व रेश्मी महर्जनया अभिनय दु । थुगु म्ये थौं कन्हेया तसकं लिमलाम्ह निर्देशक राजन शाहीं निर्देशन यागु खः । म्येया छायांकन सोहन मानन्धरं यागु दु ।
थुगु म्ये थ्यं मथ्यं झिदँ ति हे पुलां खःसां थुगु म्येयात भचा सवाः हिइका टेम्पो भचा बढे यानागु म्युजिक भिडियोया निर्देशक राजन शाहीया धापू दु । कोरोना भाइरसया लकडाउन न्ह्यो जक रिलिज जूगु थुगु म्यें लकडाउनया इलय् मनोरंजन बिइगु खँय् सकल युनीट बिश्वस्त दु ।
Dunuglan nisen yakko yakko subhay dexanaa chonaa
elohanprakashan.com,Pagethree Nepalbhasa Darshan Bir Shakya,Naresh Bir Shakya & All entire Shakya Family