- फेसबुक सामाजिक संजालया निंतिं तसकं हे न्ह्यइपुगु, यइपुगु व सुचंमुलक थाय् खः । तर नं फेसबुकयात सुचंमुलक यायेगु कुतलय् यक्व हे अज्योगु बुखँ व सुचं झीसं मचायेक हे तयाच्वंगु दइ गुगु खँ याना थःगु पासा पुचः (फ्रेण्डस् सर्कल) दिक्क चायाच्वंगु जुइ । उकिं अज्योगु पोष्ट छु छु खः धकाः सकस्यां हे छक्व वाः चायेके माः ।
- छि छम्ह सुपर मोडल खःसा पाय्छि हे जू । तर यदि मखु धैगु खःसा न्हिं निकः म्हुतुसि च्वामुइका थःथःम्हं काःगु किपाः पोष्ट यायेगु दिके माः ।
- प्वाथय् दुपिं मिसा मस्तय्सं थः मस्तयेगु सोनोग्राम किपा ब्वयेगु नं यानाच्वंगु दु । मां पिंत थज्योगु किपाः बांला ताइ तर स्वयेबलय् हे गरखेसे च्वंगु किपाया अर्थ छुं नं मदु ।
- अय्लाखं कायेका गाडी चले याये मज्यु थें अय्लाखं काःगु किपाः नं थज्योगु सामाजिक संजालय् तयेमज्यु ।
- जिम वा ब्यायामय् थुलि कार्डियो याना वा थुलि पुशअप याना धकाः यानातःगु पोष्ट मनूतय्त स्वये ययाच्वनिं मखु ।
- सुयांगु बारे नकारात्मक टिप्पणी सिबें सकारात्मक सुझाव यक्व बांलाइ । नकारात्मक टिप्पणी ल्यंका मागु इलय् लिसः बिइत ल्यंका तये माः।
- राजनीतिक बिचारधारा धैगु थः पासापिंत दिक्क यायेत जक ज्याः वः । फेसबुक सिबें गनं राजनीतिक फोरम वा दबूलिइ थःगु सः तःसा पाय्छि जुइ ।
- मद्दिक्क खानाया जक किपाः कयाः ब्वयेगु यातकी नं मनू त दिक्क जुइ । थुगु हे ब्यवसाय्लय् दुपिं खःसा जक हे पाय्छि जुइ ।
- थः न्हापा यःम्ह सुं दुगु खःसा वैत अनपे्रmण्ड याना छ्वसा तसकं हे बेश जुइ । फेसबुकय् वैतं थ्वइतं आरोप बियाः थःत थःम्हं लिलाम यायेगु ज्या पाय्छि मखु ।
- थःत थःम्हे प्रोमोट यायेगु ज्याः फेशबुकय् यक्वं हे जू । छगू हे खँया मद्दिक्क प्रसार प्रचार यानाच्वनिपिं मनुखं थःगु फ्रेण्ड सर्कल चिचा यानाच्वंगु दइ ।
- मागु सिबें यक्व शेयर वा ब्वयाजुइगु धैगु बिचा यायेगु मखु । थःम्हं न्ह्यागु छगू ज्या यासां वा छुं छगू घटना जुसां दक्वेसित ट्याग याना हिमिचायेका च्वने मज्यु ।
- छुं कथंया पिटिशन बारे फेसबुकय् प्रचार यायेगु पाय्छि खःसां पिने बिदेशय् च्वंपिं पासापिंत छाय् थुकी सालाच्वनेगु ? यदि स्थानीय खँ खःसा स्थानीय रूपं जक सक्रिय जुयाः वनेमाः ।
- जनावरया किपाः, द्यःया किपाः लाइक याना ब्यू वा शेय्र याना ब्यू धकाः रिक्वेस्ट छ्वयेगु नं मनूतय्त मयः । बरु छुंकथंया हे बिशेष निर्देशन बियाः खँ थुइके फुसा हे बांलाइ ।
- थः मस्तयेगु किपा वालछ्याल जुइक हे फेशबुकय् पोष्ट याइगुनं स्वइपिंत तसकं हे कपाः स्याइगु ज्या खः । मद्दिक्क न्हिं हे झिपाः भिंmनिपाः किपाः पोष्ट याना च्वनेगु थःत न्ह्यइपुसे च्वनिं तर स्वइपिंत कपाः स्यानाच्वनिं । फोटो शेयरया निंतिं इन्स्टाग्राम वा फिल्कर तसकं बांलागु बिकल्प खः ।
- मद्दिक्क न्ह्याब्लें हे कुँ खिनाच्वंनिपिं मनूत खनानं यक्वसिया छ्यों स्याः । न्ह्याब्लें कुँ जक खिनाच्वन धाःसा मनूत पे्रmण्ड लिस्ट म्हो जुजुं वनाच्वनिं ।
- थःत वःगु समस्याः वा लसता फेसबुक पाखें हे थः पासापिं दथुइ थ्यंकेगु माध्यम खः तर थःगु ग्वये हःगु किपाः, ब्याहाया किपा, मस्तय्गु किपाः खुशी बाः वये थें हे पासापिनि वालय् प्वंके हयेगु सुयानं यइ मखु ।
- जिगु स्टाय्टस लाइक याना ब्यू धकाः मेपिंत रिक्वेस्ट यायेगु ज्या नं पाय्छि मखु ।
- फेशबुकया उद्देश्य धैगु थःगु किपाः ब्वयाः मेपिं पाखें साहानुभुति कायेत ला कदापि मखु थें च्वं ।
