ख्वालय्
ख्वालय् ट्याटू च्वइपिं बिद्रोही स्वभाव यापिं जुइ । इपिं समाजय् गननं भ्यलय् पुनी मखु । अकसर थथे ख्वालय् ट्याटू च्वइपिं मनूत गनं कारागारय् वा मानसिक सुधार संस्थाय् ई फुकाः वयेधुंकुपिं जुइ । वा थज्योपिं मनूत सामाजिक ज्याखँय् रुचि मतइपिं जुइ ।
गपतय्
गपतय् ट्याटू च्वइपिं मनूत भचा जोखिमपूर्ण जुइ तर तसकं हे यइपुपिं जुइ । थुमिगु ब्यक्तित्वः छसिइ कथं जुइ मखु । गुब्ले गज्योगु ब्यवहार याइ धकाः धाये थाकुइ । मनूतय्सं इमिगु बारे छु बिचार याइ धकाः इमिसं मतलव तइ मखु ।
प्वाथय्
प्वाथय् ट्याटू च्वइपिंसं शो अफ् यायेत हे ट्याटू च्वइगु याः ताकी अन ट्याटू स्वयाः मनूतय् निश्कर्ष पिकाये अःपुइ । मिसा जुइमा वा मिजं थथे ट्याटू च्वपिं सेक्स प्रति तसकं हे मन दुपिं धकाः पुष्टि यानाच्वंगु दइ ।
दुरूपाः
दुरूपाःतय् ट्याटू च्वकीपिं अकसर मिसात जुयाच्वं । थज्योपिं मिस्त तसकं हे आत्मविश्वासी जुइ । थुकीया नमुना थुकीं हे क्यं कि इपिं ट्याटू च्वकेत कतःया न्ह्योने लँ त्वताः तकं ट्याटू च्वके फु ।
जनपातं च्वये
जनपातं च्वये ट्याटू च्वइपिं थः थम्हं बिशेष तायेकी बिशेषत जब टाय्टू छुं कथंया म्ये वा कविता जुयाच्वनिं । छगू न्हूगु फेशनया शुरुवात यइकीम्ह मनू कथं नं थथे टा्यटू च्वकीगु याः । थौं कन्हे थुथाय् लाक्क टा्यटू च्वकीगु नं न्हूगु सुरुवात जुयाच्वंगु दु ।
ग्वाली
ग्वाली ट्याटू च्वइपिं मिसात थःथम्हं तसकं बिशेष ताय्की । इमिसं थः थःम्हं छम्ह राजकुमारीया रूपय् भाः पियाच्वंगु दइ । थःथम्हं तसकं हे समाः याना ब्वये न्ह्यापिं कथं जुइ ।
पालीतः
छम्ह तसकं हे मग्याम्ह वा कडा मिजासयाम्ह मनू कथं म्हसिका थन खने दइ । थःगु म्हया तसकं संवेदनशील ब्वय् नं स्याःचा मचाःसे ट्याटू च्वयेगुं थ्व हे संकेत याइ । लिसे गन माल अन लाकां मन्ह्यासे वनिम्ह नं जुइ छाय्की ट्याटू ब्वयेत अन छिनाच्वनिं ।
पतिंचाय्
पतिंचाय् टा्यटू च्वकीपिं मनूत पुलां बिचाधारयापिं खने दु । तर नं थुपिं स्टाइलिष्ट धकाः सिइदइ । थुकीं मनूतय्गु ब्यक्तित्व भचा क्रान्तिकारी नं खने दइ । छाय्की गुगु अंगय् थी थी अंगू न्ह्याना बांलाके ज्यू अन छुं कथंया कविता च्वयातःगु दइ ।
न्हायपं ल्यूने
तसकं हे निडरम्ह मनू धैगु संकेत बियाच्वंगु दइ गन सुनां छुं याये मफुगु ज्या यायेत थः न्ह्यचिलिइम्ह धकाः धयाच्वंगु दइ । थथे ट्याटू च्वइपिं जीवनय् तसकं हे उपलब्धी हासिल याइपिं जुइ या छुं हे याना नये मफुपिं जुइ । मध्यम कथंया मनू धाःसा जुइमखु ।
त्यपचाय्
त्यपचाय् टा्यटू च्वकीगु धैगु बांलागु ब्यक्तित्वया संकेत मखु । जीवनया न्ह्यागु हे लक्ष्य जुयाच्वंसां थथे त्यपुचाय् टा्यटू च्वकीगु धैगु यौन जीवनयात नालाकायेत लिफः मस्वइपिं जुयाच्वनिं ।
