धनीतय्गु बानी

१) न्हापां दनेगु
न्हापां दनेवं मनू धनी गथे जुइ ? तर छगू सर्वे कथं विश्व प्रसिद्ध धनी मनूतय्के अथाहा सम्पत्ति दुगु कारण धैगु इपिं न्हापां दनां थःगु ज्याः याकनं सिधयेकी । गन साधारण मनूत घडि स्वयाः ज्या यानाच्वंगु दइ इपिं घडि स्वयां न्ह्यः व लिपा नं ज्या यानाच्वनिं ।

२) ज्या यायेगु धलः
थौं छु ज्या यायेगु धकाः धलः दयेकी पिं मनूत सदां हे सफल जुइगु याः । वा थौं थुलि ज्या यायेगु धैगु हे निणर्य बी मफूपिं मनूत असफल जुइगु याः । धनीतय्गु धलखय् दुपिं अधिकांश मनूतय्सं थुगु बानी त्वफिकेगु मयाः ।

३) ब्वनेगु
सम्पत्ति यक्व दुपिं मनूतय्गु छताः यःगु बानी धैगु ब्वनेगु खः । न्हिंया न्हिथं म्होतिइ नं इमिसं बाघौ तक्क ब्वनाच्वंगु दइ । ध्यबा कमे यायेमफुपिं मनूतय्के थज्योगु बानी मदु । ब्वनेगु बानी दुपिं सफल जुइगु यक्व हे मौका दइ ।

४) म्हो टिभि स्वयेगु
संसारया धनी मनूतय्के टिभि स्वयेगु ई यक्व दइ मखु । थुकीया कारण थ्व हे जुइ फु कि थःगु सम्पत्ति जोरेयायां फुर्सद हे दइ मखु । धनीतय्सं टिभि स्वसां न्हिं छ घौ स्वयां कम हे जक स्वइ । जबकी धनी मजुपिंसं धाःसा यक्व ई टिभि स्वयेगुलिइ फुकी ।

५) मस्तय्त ज्या याकी
धनी मनूतय्सं थः मस्तय्त न्ह्यागु नं ज्या याकी । इमिसं छुं नं ज्या तः धं वा चिधं धकाः ताय्की मखु । लय्ताच्यः कथं हे इमित ज्या याका पोख्त याना यंकी । जबकी धनी मजुपिं मनूतय्सं अथे यानाच्वंगु दइ मखु ।

६) उद्देश्य
धनीतय्सं छगू धलः दयेकातःगु दइ की छु उद्देश्य गुब्ले तक पू वंकेगु । मेगु फुक्क हे ज्या त्वता नं इमिसं उगु उद्देश्य पूर्तियायेत स्वयाच्वंगु दइ । थुकथंया उद्देश्य धाःसा धनी मजुपिंके म्हो हे जक दइ ।

७) जंक खाना
जंक खाना तसकं दंक लाइ । तर थ्व झीगु उसाँय्या निंतिं मनीं । ध्यबा दन धायेतुं जंक खाना नया उसाँय्यात असर लाकीगु जुयाः धनीतय्सं जंक खाना वा फास्त पूmड नइ मखु जबकी धनी मजुपिं मनूतय्सं जंक फुड हे जक नयाःच्वंगु दइ ।

८) ब्यायाम
धनीतय्सं थःगु उसाँयया ध्यान बी कथं शारिरीक ब्यायामय् यक्व हे ध्यान बियाच्वंगु दइ । इमिसं जगिंग वा छुं कथंया फिजिकल यानाच्वनिं । धनीतय्गु तसकं हे लोकंह्वाःगु नारा दु हेल्थ इज वेल्थ अर्थात उसाँय् हे सम्पत्ति खः ।

९) संजाल
धनी मनूतय्सं संजालया महत्व स्यू । सामाजिक रूपं वा आर्थिक वा धार्मिक रूपंनं इपिं संजालया संरचनाय् च्वनाच्वंगु दइ । जबकी धनी मजुपिं मनूत धाःसा थज्योगु संजालय् तक्यनाच्वनेगु यः मतायेकू ।

१०) सयेकाच्वनेगु
अकसर झीगु बिचाः दुकी क्याम्पसया छगू तह क्वचायेका ब्वने गात । ध्यबा कमे याये त्यल । तर धनी मनूतय्सं अथे बिचा याइ मखु । मसितले हे वा ई दत्तलय् हे छुं सयेके माः वा सिइके माः धैगु मान्यता दइ ।

स्वापू, तथ्यांक व निश्कर्ष

१) स्वापूया ई निश्चित मजु
अकसर न्हूगु स्वापू स्वायेवं स्वापू तसकं हे याकनं वा तसकं हे बिस्तारं न्ह्यानाच्वंगु थें च्वनि । तर स्वापूतिइ रोमायन्स ब्वलंकेत धाःसा छुं हे निश्चित ई धाःसा मदु । थ्व मनू मनू दथुइ पानाच्वंगु दइ ।

२) मिसातय्सं सिबें मिजंतय्सं थःगु मनसुवाः याकनं थुइकी
मिजं सिबें मिसा यक्व भावुक जुइ धैगु यक्वसिया मान्यता दु । तर सर्वेक्षण कथं स्वयेगु खःसा निश्कर्ष धाःसा अःखः । सर्वे कथं मिजंतय्सं मिस्त स्वकःति नापलाइबलय् हे स्वापू गुलि ताःहाकः जुइ धकाः थुइके फू तर मिसातय्सं धाःसा भिंmप्यकःति नापलाइबलय् तिनि थुकथंया निष्कर्ष पिकाइ ।

३) मिसातय्सं प्रस्ताव तइगु पाय्छि
मिजंतय्सं हे मिसातय्त प्रस्ताव तइगु पारम्परिक मान्यता खः । तर थौंया स्थीति पाय्धुंकल । थौंया इलय् मिजंतय्सं थुगु भुमिका हिलावंगु नं याउँक हे मानेयाना च्वंगु दु । थुकी छुं हे कथंया मछिं मतायेकू ।

४) मिजंत सिबें मिसातय्त यक्व स्वतन्त्रता माः
स्वापूतिइ मिजंतय्त यक्व स्वतन्त्रता मां थें खनेदु जबकी मिसात धाःसा हरेक स्वापू म्वाकातय्गु लँपु मालाच्वनिपिं थें जक हे खने दु । तर थौंया सर्वे कथं धाःसा मिजंत स्वापू म्वाकेगु लँपु मालाजुइगु व मिस्त स्वतन्त्र जुइगु निश्कर्ष पिहांवयाच्वंगु दु ।

५) स्वापू स्वलां हे सिइ दइ
थी थी सर्वेक्षण कथं स्वापू स्वला निसें न्या ला तक दुने हे म्वाइ वा सी धकाः सिइ दु । तर स्वला वा न्याला पुलेवं स्वापू ताः लाई धैगु नं छुं मदु । थुगु अवस्थाय् स्वापू म्वाइगु ई यात हाथ्याः बीत ताःलागु जक हे तायेके छिं ।

६) सामाजिक संजालय् सावधानी
सर्वे कथं ४८ प्रतिशत मिस्त व ३८ प्रतिशत मिजंतय्सं थः मतिनाया बारे फुगुचाःगु खँ सामाजिक संजालय् माला स्वायाच्वंगु दइ । उकिं सामाजिम संजालय् छुं पोष्ट याना धैगु खँ तसकं हे महत्वपूर्ण जू ।
७) सेक्सटिंग्
सेक्सटिंग अर्थात अश्लील एस एम एस छ्वयेगु थौंकन्हे सामान्य जुयाः वनाच्वंगु दु । रोमांच व रोमान्सया थुगु सन्देस झन झन हे लोकंह्वाना वनाच्वंगु दु ।

८) मिजं व मिसाया मन
मिजं व मिसाया मन पाइ । मिजंतय्सं मिसातय्गु रूप स्वया लनी । जबकी मिसातय्सं मिजंया कमाइ स्वया लनिं । सर्वे कथं डेटिंग साइट बांलागु किपा दुपिं मिसातय्त व मिजंतय् आकर्षक तलब दुपिंनिगु यक्व न्यनेकने जुइगु पाखें निष्कर्ष पिकागु खः ।
९) बडि ल्यांगवेज
मिसाया न्ह्योने मिजं गथे याना च्वनिं वा दनिं धैगु खँ नं स्वापूतिइ यक्व हे असर याः । न्हापांगु इम्प्रेशन पाखें हे मिस्त प्रभावित जुइगु छगू खँ मिजंया बडि ल्यांगवेज नं खः ।

१०) सिंगल
स्वापू स्वायेगु सिबें याकःचा च्वने न्ह्यांपिं मनूत नं आ अप्वयाः वयाच्वंगु दु । थुकथंया बानी याकनं हिलेगु मयाः । मनू गुलि ताः ई तक सुं नाप स्वापू मस्वासे च्वनिं उलि हे यक्व व अथे हे तुं जुयावनिगु लक्षण अप्वयाः च्वनिं ।