१) टाइया ब्या व कोटया गतांया ब्या उतिकं हे जुइमाः । निगुलिं बाला सन्तुलित याये माः ।
२) कोटया गतां तःबाला यायेगु धैगु पुलांगु जमानाया कथं खः । थौं कन्हे कोटया गटां चिफी यायेगु फेशन दु ।
३) कोटया खल्तिइ च्वंगु रुमाल प्यकूं लुइक तयेगु बांला । तर कोटया रुमाल कोट कापः, कमिज वा टाइ लिसे ज्वरा जुइ मज्यु ।
४) रेडिमेड सुट न्यायेगु इलये दकलय् न्हापां बिचाः यायेगु खँ धैगु हे ब्वः मिले जु वा मजु धकाः स्वयेगु खः । ब्वः तःधंगु वा चिधंगु जुइगु बांलाइ मखु । कोट सुइबलय् दकलय् थाकुगु खँ धैगु हे ब्व मिले यायेगु खः ।
५) कमिजया गतां व कोटया गतां दथुइ ग्याप यक्व दैगु धैगु हे पाय्छि मजुगु कोट खः ।
६) तसकं हाकुगु कोट सिबें चार्कोल ब्लाय्क वा तसकं गाढा खरानी रंगया सुट बांलाइ ।
७) सुटयात ल्वःगु कथंया लाकां न्ह्याये माः ।
८) कोटया ल्यूने डबल भेन्ट तयेगु न्हूगु पह खः ।
९) सुटया निंतिं पेटि चिफि जुइमाः । लाकांया रंग लिसे पेटिया रंग मिलेजुइमा ।
१०) फर्मल ज्याझ्वया निंतिं निगु डबल बटन कोट तसकं पाय््छि जुइ ।
११) सामान्य ज्याझ्वया निंतिं सिंगल बटन कोट पाय्छि जुइ
१२) कोटय् टाँख तयेधुंका कोटं छाति ल्हाः दुने यंका स्वये माः । ल्हाः त्याप्प जुसां सने छिंके माः ।
१३) फ्यतुइ न्ह्यः न्ह्याब्लें टाँख लिकाये मा ।
१४) निगु जक टाँख दु सा च्वयेया टाँख त्यपुचाय् लाक्क लायेमा । स्वंगु टाँख दुसा बिचय् च्वंगु टाँख त्यपुचाय् लायेमा ।
१५) छ्यो तग्वःसा फुल नट वा छ्यों चिग्वःसा हाफ नट टाइ चिइगु ।
१६) कोट फिइत गन्जी नं फिनातइगु दुसा कमिजया अन्तिम टाँख मतयेगु ।
१७) लन्चाय् तय्गु कफ् बागु इन्चति जक ब्वःसा गाः ।
१८) कोटया निंतिं ल्वःगु मोजा ल्ये माः ।
१९) टाइया रंग कमिजया रंग सिबें गाढा जुइमाः ।
२०) पाइन्टया हाकलं लाकांया च्वकाय् थ्याक्क जुइक थिइके माः।
