द्यनेगु इलय् छुं हे वसः मपुंसे द्यनेगु तसकं हे मछिं थें ताइ । थौंया ई तक नं थज्योगु खँ ल्हायेज्यू की मज्यु धकाः हे स्पस्त धारणा तइपिं मनू तसकं हे म्हो । थुकीं छुं कथंया सकारात्मक असर याइ की नकारात्मक असर याइ धकाः धाइपिं नं मदु । उकिं थुगु बिषयलय् थी थी खँ थन न्ह्यब्वयाच्वना ।
मनूत नांगाः द्यनेगु इलय् म्हय् च्वंगु कर्टिसोल लेभलयात नियन्त्रण याना बी । कर्टिसोल म्हय् दैगु छगू कथंया पित्त खः । थुकीं म्हया थी थी प्रकृया गथे की उच्च रक्तचाप, उच्च कोलिस्ट्रोल, कमजोर प्रतिरोधात्मकता लिसें पित्याःयात नं सन्तुलनय् तयेत ग्वाहलि याइ । लँ मपुंसे द्यनेगु इलय् म्हया तापमान म्हो याना सन्तुलनय् यंकी । थुकीं हे कर्टिसोल लेभलयात सामान्य याना बी । अकसर द्यनेगु इलय् बहनिसिया १०ताः ई निसें सुथसिया २ता इलय् तक कर्टिसोल लेभल म्हो जुयाच्वनिं । अनं लिपा थुगु पित्त थहां वनां म्हयात ताजा व स्फूर्ति बढेयाकी । थुकींयाना हे सुथय् दनेगु इलय् ताजगीया महसुस जुइ । तर न्ह्यः मगात धाःसा म्हयात माःगु कथंया सन्तुलन दइ मखु । सुथय् दनानं स्फूर्ति मन्त धाःसा म्हयय् कर्टिसोल लेभल उच्च जुयाच्वंगु जुइ । थुकींयाना चाकुगु यक्व नये मास्ती वइ । यःसां मयःसां यक्व नये माः थें जुयाः वइ । अले मनूत ल्ह्वनिं ।
बांलाक्क न्ह्यः वइगु व मवइगु धैगु खँ झीगु हे म्हया तापक्रमय् भर जुयाच्वनिंं । थी थी अध्यन पाखें नं थ्व खँ पुष्टि जुइ धुंकुगु दु । द्यनिंबलय् म्हया तापक्रम सन्तुलि मजुल धाःसा बांलाक्क द्यने फइ मखु । मेगु हे अध्ययन कथं म्हया तापक्रम कुहांवन धाःसा झीत स्याक्क न्ह्यः वइ । छन्ह्यः जुइक झी द्यने फइ । थुगु खँ पुष्टि यायेगु खःसा थौं निसें हे थुगु छ्यलाज्या याना स्वसां ज्यु ।
वसः त्वता द्यनेगु इलय् थी थी कथंया पित्तयात असर लाइ । थुकींया सेक्स जीवनय् बांलागु असर लाइ । अक्सीटोक्सीन नांया पित्तयात क्रियाशील यायवं हे म्हय् च्वंगु यौन आकांक्षा लिसें तनाव तकं मुक्त याना यंकी । थुकीं डिप्रेशनयात तकं क्वलायेका यंकी ।
नांगा द्यनीगु इलय् थुकी टी एजिंग हर्मोनयात नं सक्रिय याना बी । म्हया तापक्रम नं म्हो जुइगु अले द्यनेगु इलय् नं खिउँसे च्वनीगु इलय् म्हयय् मेलाटोनिन् म्हय् पिज्वइ । थुगु मेलाटोनिनं अज्योगु पित्त निर्माणय् ग्वाहलियाइ गुकिं छ्यंगुयात बांलाकी ।
न्हिंया न्हिथं खु घौ सिबें म्हो द्यनेगु यात धाःसा थी थी ल्वये गथेकी डाय्बटिज, नुगः ल्वय् व तौल अप्वेकेत ग्वाहलि याइ । उकिं याउँक द्यनेगु निंतिं ख्वाउँक द्यने माः । द्यने मफुतकी नयेपित्याइगु पित्त सकृय जुइ ।
म्ह ख्वाउँका द्यनेगु इलय् इस्ट इन्फेकशन नं म्हो जुइ । इस्ट धैगु खिउँथाय् व लुमुथाय् याकनं सकृय जुइगु खः । उकिं थुइके मा की वसः त्वता द्यन धाःसा म्हय् मनींगु इस्ट इन्फेक्शन नं बुलुहुँ क्वलाइ ।
वसः त्वता द्यनेगु इलय् थःगु म्हं थःत हे म्हसिका हइ । छगू कथंया आत्मविश्वास बुलुहुँ ब्वलाना वइ । थुगु आत्मविश्वासया असर धाःसा न्हिंया न्हिथं जिवनय् नं उतिकं सकारात्मक रूपं लानाच्वनी ।
