वैवाहिक जीवनय् स्वापू बांलायेमा वा बांमलयायेमा ल्वापू धैगु जुयांतुच्वनिं । स्वापू बांमलानाच्वना ल्वापू जुयाच्वन धाःसा सेक्स गुगुकथं जुइ ? सेक्सया निंतिं वातावरण गुगु कथं तयार जुइ ? छाय् की ल्वापू जुइधुंकाः न्ह्याक्व खँल्हाये मखु वा ख्वाः स्वयेमखु धाःसां नापलाइगु थाय् धैगु हे वेडरुमय् खः ।
स्वापू खराव जुइवं मानसिक तनाव ब्वलनिं । तर नापं द्यनेतय्का धासा सेक्सया माध्यमं हे स्वापूतिइ सुधार जुयाः वइ । उकिं थुइके माः की सेक्स धैगु केवल न्ह्यइपुइकीगु माध्यम जक मखु । सेक्सया स्वापू शारिरीक लिसें मानसिक व आध्यात्मिक रूपं दयाच्वनिं ।
निम्ह तिपू दथुइ ल्वापू जुसां नं सेक्सया वातावरण ब्वलनाच्वन धाःसा स्वापूतिइ मेगु हे मोड वइ । निम्ह दथुइ सेक्सला जुइ । तर व सेक्स संवेदनहीन जुइ । उकिं सेक्स न्ह्य ल्वापूया कारण वा खँ निं क्वचायेके माः । थथे जुइ मफुत धाःसा स्वापूया दीर्घकालीन लिच्वः तसकं हे स्यना वनी । उकिं सेक्स न्ह्यः हे छगू मौका चूलाइ गन स्वापूयात भिंके फइ । बांलाके फइ ।
निम्ह तिपूया ल्वापू जुयाः, सेक्स न्ह्यःया इलय् निम्हं कला भात बराबर जुयाच्वंगु दइ । थुकिंयाना जुयाच्वंगु ल्वापूयात समाधान यायेगु पाखे पहल जुइ । थ्व हे सिलसिलाय् ल्वापूया खँया माध्यमं हे मतिनाया लकस नं ब्वलनिसा निम्ह दथुया विश्वासया वातावरण नं बांलाना वइ । थज्योगु इलय् जुइगु सेक्सं मेगु हे छगू कथंया स्वापूया वातावरण तयार जुइ गन मिखां मिखा ल्वाकाः छुं खँ मजुसे मिखा तिस्सीनां हे निम्ह दथुया न्हूगु स्वापू ब्वलनिं ।
तर थ्व न्ह्याब्लें नं सामान्य वा याउँक जुइ धैगु नं मदु । अकसर स्थीति असमान्य व अमान्य नं जुइफु । छम्हेस्यां मेम्हेसित कोअपरेट मयागु स्थीति नं जुइफु । स्थीति सामान्य जुइत छुं घण्टा निसें कयाः छुं दिन तक नं जुइफु । उकिं स्वापूतिइ स्पेस बी नं सयेके माः अले काये नं सयेके माः ।
ल्वापू लिपाया सेक्स कःघायेत छम्हेस्यां बांलाक्क सम्झौता नं याये मालिगु स्थीति वइ । थःत यःगु वा मयःगु खँ सिबें थः पार्टनरया लसताया खँय् थ्व इलय् यक्व च्यूता कायेमाः । थ्व अज्योगु स्थीति खः गन ओरल सेक्स तसकं हे ज्याः वइ । छाय्की ओरल सेक्सया सन्तुष्टि थ्व इलय् गुलि दइ मेगु इलय् उलि वइ मखु । उकथं हे सेक्स जक मखुसे मसाज याना बीगु, लकसयात रोम्यान्टिक याना बीगु जुल धाःसा लिपा वना स्वापू झन हे बांलाना वनिं।
ल्वापू न्ह्यःया सेक्सयात मेक अप सेक्स धकाः नं धाइ । थ्व छगू तसकं बांलागु अवसर खः गन थःम्हं थः पार्टनरयात ‘सरी’ धायेगु ई । थन सरी म्हुतुं धायाच्वने म्वाः । सरी धकाः थःम्हं ब्वयेगु अवसर खः ।
थुज्वःगु ईया सेक्सया निंतिं थः पार्टनरया बडिल्यांगवेजयात नं ध्यान बी माः । वैगु मनसाय् गुगुकथं न्ह्यानाच्वन धैगु वं म्हुतुं मधाःसां म्हं धयाःच्वनिं । यदि पार्टनरं बिस्तारं ल्वापू ल्वमंकाः सेक्सया आनन्द कयाच्वन धाःसा थःम्हं पूवंक वा गुलि फू उलि सेक्सया आनन्द बीगु पाखे स्वयेमाः । वैगु हाउभाउ कथं थःम्हं नं ज्या याना वन धाःसा वैत प्राथमिकता बियाच्वंगु दु धकाः पार्टनर थुइका काइ ।
सेक्स लिपा निम्हं आराम कायेगु इलय् थः पार्टनरया मूड गथे च्वं धकाः हाकनं स्वये माः। थ्व इलय् हाकनं ल्वापूया पुसा उले मज्यू । तर थ्व इलय् जिं छंगू च्यूता कयाः धकाः ब्वयेगु पाय्छि जु । सेक्सं ल्वापू मिले याइ धाःसा मखु । तर अज्योगु लकस अवश्य दयेका बी गन निम्ह दथुइ ब्वलनाच्वंगु मतभिन्नतायात छगू हे थासय् तयाः मिलेयायेत स्वइ ।
