गर्भनिरोधक चक्की
सेक्सया निंतिं धकाः दयेकातःगु वासः अर्थात सेक्स लिपा प्वाथय् मदयेकेगु निंतिं धकाः दयकातःगु छुं नं कथंया वाःसःया सेवनं सेक्सय् नं मन मवनीगु लिच्वः अनुसन्धानं पुष्टि यानाच्वंगु दु । थथे गर्भनिरोधक वाःस नियमित छ्यलिइपिं मिसातय्सं बुलुहुं बुलुहुं सेक्सय् इच्छा म्हो जुयाःवनाच्वंगु वाः चायेकुगु दु । गर्भनिरोधक चक्की नयेवं थज्योगु वासलं मिसातय्गु म्हय् प्राकृतिक टेस्ट्रोन व इस्ट्रोजन म्हो यानाबी गुकीं सेक्सया नितिं ब्वलनिगु मनयात म्हो याना यंकी ।
ल्ह्वनीगु
थःगु हे शरीर ल्ह्वनीगु इलय् नं सेक्स प्रति इच्छा म्हो जुइ । थःगु म्ह हिलिगु इलय् थःके दुगु आत्मविश्वास म्हो जुयाः वनी । थःथम्हं हे असहजता ब्वलनाच्वनिं । थः न्हापा थें मजुल धैगु छाप मनय् ब्वलनाच्वनिं । थःगु म्ह हिलेवं हे थः पार्टनरं थःगु बारे गथे याना विचार यानाच्वन जुइ धैगु म्वाःमदुगु खँय् मन वनाच्वनिं । थुकींयाना थःगु मन सेक्सय् वनाच्वनिं मखु । ल्ह्वने वं हे नुगः लिसे स्वापू दुगु थी थी ल्वये नं ब्वलनावइ । अले थःगु स्टाय्मिना नं म्हो जु जुं वनिं ।
फोरप्ले
सेक्सया इलय् म्हं छुं कथंया तरलता उत्पादन मजुल धाःसा सेक्सय् कठिनाइ जुइ गुगु कारण सेक्सय् मन वनी मखु । सेक्स न्ह्यो फोरप्ले अर्थात म्हया थी थी अंग लिसे म्हिता जक शुरुवात याये माः । थथे जुइबलय् मिसाया योनी नं थी थी हर्मान सक्रिय् जुयाः चुलुया वइ लिसें मिजंयात नं थःगु लिंगय् नियन्त्रण तयातये अःपुइ । सेक्सया बिचय् बिचय् नं थुकथं हे फोरप्ले म्हिताच्वन धाःसा सेक्सय् मन ब्वलना वइ ।
सफाइ
सेक्सया दौरान थः पार्टनरया यचुगु पिचुगु म्ह स्वये सुया जक मयइ । उकिं सेक्सया इलय् थः पार्टनरया म्ह सफाः जुइमा । तर सफाइ धायेवं थः पार्टनरं सरसफाइ यानाच्वंगु स्वयाच्वने धाःसा पाय्छि मजू । तुतिइ लुसि चानाच्वनिगु, डेन्टल फ्लश छ्यलाच्वनिगु इत्यादि स्वयाच्वनेगु वा साथ बियाच्वनेगु आवश्यक मजू ।
तनाव
शारिरीक वा मानसिक रूपं स्वस्थ्य मजुइकं सेक्सया निंतिं मन वनी मखु । शारिरीक थकान लंकेत न्हिं ८घौ हे द्यंसां मानसिक रूपं तनाव रहित मजुतले सेक्सया निंतिं मन ब्वलनिं मखु । अझ शारिरीक थकान लिसें मानसिक तनाव नं जुयाच्वन धाःसा सेक्स तालाके फइ मखु ।
अनियमित द्यनेगु
द्यनेगुलिइ नियमित मजुल अर्थात न्ह्याक्व द्यनेगु वा मद्यनेगु जुल धाःसा झीगु म्हं झीत हे साथ बी मखु । मन मस्तिस्क व म्ह छगु कथं ज्या मयाइगु इलय् सेक्सया लिच्व नं सामान्य जुयाच्वनिं मखु । नियमित रूपं द्यनां दनेवं म्हय् दइगु स्फूर्तिं सेक्सया मन दयेकी ।
मिजं पासा
सर्वेक्षण कथं सु मिजंया पार्टनर थः मिजं सिबें मेपिं मिजं लिसे अफिसय्, ज्याय् यक्व ई फ्यानाच्वनिं, अज्योपिं मिजंतय् सेक्स जीवनय् नकारात्मक असर लानाच्वं । इमिसं छुं कथं खँ तयेफइ मखु स्थीति सामान्य हे जुसां इमिगु सेक्स जीवनय् धाःसा बुलुहुँ नकारात्मक असर लानाच्वं ।
पोर्न साइट
इन्टरनेटय् पोर्न साइट स्वयेगु छगू न्ह्यइपुगु व सामान्य खँ थें जुइधुंकल । तर नं थुकीं सेक्स जीवनय् तसकं हे नकारात्मक असर लाकू छाय्की पोर्न स्वयेगु व थःगु बेडरुमय् गुलि पाः धैगु खँ थःम्हेस्यां हे वाःचायेकाच्वंगु दइ । पोर्न धैगु प्याखँ खः । थज्योगु प्याखँ दयेकी बलय् सामान्य प्याखँ थें हे रिटेक यानां दयेकातःगु जुइ तर यक्वस्यां थुगु खँ मथू । प्याखनय् थें थःम्हं नं परर्फोम याये मफइगु इलय् सेक्स प्रति मनूतय् नकारात्मक असर ब्वलनाच्वंगु सर्वक्षण पाखें पुष्टि यानाच्वंगु दु । थज्योगु स्थीतियात सेक्सुअल एनोरेक्सीया धकाः धाइ । श्रव्यदृष्यया माध्यमं न्ह्यपुइ असर याइगु इलय् यक्व हे असर याये धुकी । थज्योगु असर लिकायेगु निंतिं निला तक्क पोर्न साइट मस्वसे च्वने माः तर नच्चागु इलय् निसें थथे स्वइपिंतं धाःसा ४ला न्याला ति हे ई कायेफु ।
डिप्रेशन
तनावया कारण डिप्रेशन जुइगु खः । डिप्रेशनया कारणं हे नकारात्मकता ब्वलनिगु खः। नकरात्मकतां जीवनय् यक्व कथं हे प्रभाव लाकाच्वंगु दइ । थुकीया असर बेडरुमय् नं जुइ । डिप्रेशन म्हो जुल धाःसा सेक्सय् नं न्ह्यइपुक्क मन वनी । डिप्रेशन जुयाच्वंगु खःसा थ्व छगू मानसिक रोग जुगुलिं डक्टरयात नापलासा बेस जुइ ।
नवःगु सासः
सेक्सया नितिं तसकं हे मन उत्साहित जुयाच्वनिगु इलय् न्ह्यने वने वं हे म्हुतु ह्वास्स मिंक न्ववल धाःसा सेक्स प्रति मन बुलुहुँ सिना वनिं । सासः न्वइगु थी थी कारणय् अय्ला, तम्बाकू, चुरोट जुइफु । थुकीया निंतिं न्हापां माउथवास वा वाः चुलेगु याना जक सेक्सया नितिं तयार जुसा बेस जुइ ।
फोहर खँ
सेक्सया दौरान थी थी कथंया शव्द, बाक्य वा खँग्वः नं महत्वपूर्ण भुमिका म्हिताच्वंगु दइ । सेक्स जीवनयात थज्योगु खँ च्वये थ्यंकाबी नं फु क्वय् थ्यंका बीनं फु । उकिं थज्योगु खँग्वःया लिच्वः गुगु कथं लानाच्वंगु दु धकाः वाःचायेका जक हे थज्योगु खँल्हाबल्हायात न्ह्याका यंके माः ।
