थःगु सन्तुष्टि सिबें थः पार्टनरया सन्टुष्टि
मिजंतय्सं थःत गथे याना सन्तुष्ट यायेगु धैगु खँ स्यू । मिजंतय्सं हस्तमैथुनया अनुभव याउँक हे काये अःपू । तर मिसातय्गु निंतिं धाःसा थ्व विधि नं भचा ताःहाकः । सेक्सया दौरान मिजंनं थः निं सन्तुष्ट जुइगु पाखे वनां याकनं ज्याखँ क्वचायेकेगु पाखे जुइ मज्यु । छम्ह संवेदनशील मतिनामी जुइत थः पार्टनरयात सन्तुष्ट गथे याना यायेफइ धैगु खँय् बः बिइ माः। सेक्सया ई ताः हाकः गथे याना यायेगु धैगु ज्ञां थःम्हं आर्जन याये फयेमा । थुकीया निंतिं सेक्सया फोर प्ले अर्थात सेक्स न्ह्यः म्ह्य थियाः आनन्द कायेगु कासा म्हिते सयेके माः । थथे जुइवं हे छम्ह मिसाया मनय् थः पार्टनर प्रति मतिना लिसें विश्वास नं उत्पन्न जुयाच्वनिं गुगु कालान्तर तक ल्यना च्वनिं ।
सेक्सया सवाः
सेक्सया दौरान ओरल सेक्सया तः धंगु हे महत्व दु । मिसातय्त चरम सुख बिइगु निंतिं ओरल सेक्स तःधंगु हे माध्यम खः । थ्व ज्याखँय् हिचकिचय् जुइ मज्यु । छम्ह मिजंयाके ओरल सेक्सया बारे नं पुवंक ज्ञां दयेके माः । ओरल सेक्सनं सन्टुष्टिया छगू अचूक माध्यम खः ।
वफादार
सेक्सया इलय थः छम्ह हे जक पार्टनर लिसे जुइगु तसकं हे महत्वपूर्ण जू । मनय् छुं कथंया डर व चिन्ता मतःसे जुइगु सेक्सं जीवनयापन अःपुकाः यंकीं । स्वापू नं बांलानाच्वनिं । सेक्स स्वापू प्रति छम्हे लिसे जक इमानदार जुइ मफैगु धैगु हे स्वापूतिइ नकारात्मक असर लाइगु लिसें जीवनय् अनेक समस्या ब्वलना वैगु खः ।
पार्टनरया मूड
मिजंया मूड सेक्सया निंतिं अकसर धैथे वा याकनं हे तयार जुयाच्वनिं तर मिसातय् मूड अथे जुयाच्वनिं मखु । गुब्लें मिखा चायेसातकं मिजंया मूड दयाच्वनिं तर मिजंया निमंत्रणा रिजेक्ट जुयाच्वनिं । थ्व अवस्थाय् मिजंतय्सं छु थुइके माः धाःसां थः पार्टनरं छाय् म्हां धाल ।
मिजंतय्गु शरीरय् टेस्ट्रोन यक्व दइ तर मिसातय्गु म्ह्य् म्हो जक दइ । मिजंत याकनं वा छुं हे म्वायेक मूडय् वइ तर मिस्तय् धाःसा मूडय् वयेत छुं कथंया स्पर्श पाखें जक फइ । अथेहे मिस्त टेस्ट्रोन पाखें सिबें थीथी परिकल्पना (फ्यान्टासी) पाखें याकनं मूडय् वइ ।
बेडरुम रोमान्स
रोमान्स धैगु भ्यालेन्टाइन डे कुन्हु जक याये माः धैगु मान्यता मिजंतय् दु। मेगु दिं ला छु सेक्सया इलय् नं रोमान्सयात सेक्स सिबें तापाक्क तयाः स्वइ । रोमान्सया धात्थेंया अर्थ छु खः धकाः थुइकेगु हाकनं छक्व ई वःगु दु छाय्की राेमान्सया छुं हे निश्चित परिभासा मदु । न्ह्यागु ज्या यायेत नं मतिनां यात धाःसा व स्वत रोमान्स जुइ उकिं सेक्सया इलय् नायुक वा मतिनां याये माः ।
छक्व सिबें यक्व
सेक्सया दौरान छक्वया पालय् हे थः पार्टनरं सन्तुष्टिया अनुभव मयाये फु । उकिं निक्व तकया सेक्स आवश्यक जुइ फु । सेक्सया दौरान छक्व सिबें अप्वः सेक्स गथे याना यायेगु धैगु खँय् मिजं नं सिइके माः थुइके माः । छक्व सिबें यक्व सेक्सया निंतिं ई पाना वने फु । गुलि याकनं निक्वःगु सेक्स जुइ उलि हे ल्याय्म्ह तिनि धैगु संकेत ब्वलनिं । मानसिक रूपंनं मिजंतय्सं थुकी असर लाये फु तर छता खँ छु थुइके माः धाःसां स्खलन व सन्तुष्टि धैगु बिस्कं बिषय खः ।
सेडक्शन
थः पार्टनरयात सेक्सुल रूपं सुन्दर दयेकेगु खःसा वैत सेडक्शन याये सयेके माः । सेडेक्शन धैगु शारिरीक सिबें नं मानसिक रूपं न्ह्याइगु कासा खः । थः पार्टनर न्ह्याब्लें थःगु न्ह्योने कम्फर्ट जुइ माः । थः पार्टनरया खँ ध्यान बियाः न्यनाच्वनेगु, मिखा ल्वाकाच्वनेगु, थःगु मन ब्वयाच्वनेगु फुक्कं हे सेडक्शनया कला खः।
सेक्स व मतिना
सुं प्रति तसकं हे मतिना ब्वलन धाःसा उकिं सेक्स जीवनय् नं उतिकं हे असर याइ । जब सुं लिसे सेक्स जक जुइ वैत थुइकेत म्हसिकेत मतिना ब्वलना वइ । मतिनां हे सेक्स जीवनयात चरम विन्दुइ यंकी । सेक्सया दौरान मतिनां बिलिबिलि जाःगु भाव खंके फइ ।
