मिसातय्सं फेशबुकय् कमेन्ट, लाइक वा फ्रेण्ड रिक्वेस्ट छ्वयाहल धकाः दंग जुइगु स्वभाविक हे खः । तर छगू अध्ययन कथं निश्कर्ष वःगु दु की गुपिं मिस्त याकः जुइ इमिसं अप्वः धैथे फेशबुकय् सनाच्वंगु दइ । अथेतुं अज्योपिंसं हे थःगु किपाः मागु सिबें यक्व हे पोष्ट यानाच्वंगु दै लिसें नित्तान्त व्यत्तिगत खँत नं फेशबुकय् अःपुक्क याउँक पोष्ट यानाच्वंगु दइ । थुकीया अर्थ थ्व हे खः की सुनां थःगु किपाः एवं व्यक्तिगत खँत फेशबुकय् पोष्ट यानाच्वंगु दइ इपिं याकः सिंगल जुइ अले इपि लिसे पासा दयेकेगुनिंतिं अवसर प्रशस्त हे दइ ।
तर थ्व बाहेक नं इपिं मिस्त छाय् याकः वा छु कारणं इपिं याकः जुयाच्वन धैगु खँय् नं वाः चायेके फये माः वा थःम्हं छुं कथंया छुमा लुइके फयेमा । थुकीया निंतिं थन छुं छुं कथंया छुमाः न्ह्यःब्वयाच्वना । थुगु छुमाया कथं थज्योपिं मिस्त सिंगल खः सां इपिं नाप सतिकाच्वने मज्युगु खँ न्ह्यब्वयाच्वना । थज्योगु छुमा फेशबुकया प्रोफाइल वा टाइमलाइनय् माक्वं व गाक्वं हे लुइके फइ ।
तसकं नौटंकी याइम्ह
रहश्यमयी एवं थःगु उपस्थीतियात सकसिया न्ह्योने ब्वये यःम्ह मिसाया फ्रेण्ड रिक्वेष्ट नाले मज्यु । थज्योगु चरित्र दुपिं लही तसकं हे थाकुइ । इपिं माःथाय् छुं याइ मखु म्वाः थाय् नाटक क्यनेत तयार जुयाच्वनिं ।
इनसेक्युर मिसा
थःथम्ह जिगु सौन्दर्य बांमला धकाः अकसर पोष्ट याना जुइपिं मिस्तय्गु आत्मविश्वास तसकं हे म्हो जुयाच्वनि । वा इपिं तसकं हे चलाख जुयाः न्ह्याब्लें बाबालागु कमेन्ट जक मुंकेत स्वइपिं जुयाच्वनिं । नितां हे खँ छिगु निंतिं हानीकार हे जुइ ।
अय्लागुलु
अय्ला त्वनिम्ह पासा व नं मिसाम्ह दुसा ला झन हे न्ह्यइपुसे च्वनिगु खः तर थज्योम्ह पासा दत की जीवनय् न्ह्यां वने फइ मखु छाय्की व नाप ल्वापू जुल धाःसा छि गुब्लेनं त्याइ मखु ।
आध्यात्मिक
आध्यात्मिकता तसकं बांलागु खँ खः । तर सुनांनं फेशबुकय् आध्यात्मिक खँ पोष्ट यायेवं व गुलि आध्यात्मक खः धकाः थुइके फइगु लँपु दइ मखु ।
पुलांम्ह मतिना
सुं मिजंया पुलांम्ह मतिना दु सा अज्योम्ह मिसालिसे तुरुन्त हे पासा यायेगु बांलागु खँ मखु । यदि सुं मिजंनं अथे मिसाया प्रोफाइलय् खँ त पोस्ट यानाच्वंगु दनिसा इपिं निम्ह दथुइ खँ त ल्यं दनिं ।
कुँखिनिम्ह
ट्राफिक जाम निसें कयाः न्ह्यागुं छुं छगू खँया बारे फेशबुकय् कुँखिनाच्वनिम्ह मिसा जुल धाःसा व तसकं हे असन्तुष्ट मिसा जुइ । अज्योपिंत सन्तुष्ट याये धैगु तसकं हे थाकू ।
धार्मिक मिसा
केवल धर्म वा द्योया बारे फेशबुकय् पोष्ट यानाच्वनिंपिं मिस्त पाखें तापायेगु हे बेश जुइ छाय् धाःसां इमिसं न्हापां द्यःयात वा द्यःया भावयात जक थाय् बियाच्वनिं ।
धम्की बिइपिं
छुं नं खँय् धम्की बिइ पिं गथे की ‘यदि थ्व पेजय् छं कमेन्ट यायेगु खःसा जितः अनफ्रेण्ड याः’ धकाः धम्की बिइपिं वा न्ह्यागु नं खँय् ख्याना जुइपिंत अनपे्रmण्ड यायेगु बेश जुइ ।
हाथ्याः बिइपिं
छुं नं कथंया बिबादयात रबर साले थें साला ताःहाकः यानां अन्तत थः हे हारे चायेमालीगु अवस्थाय् थ्यनी उकिं थज्योपिं पाखें तापाय् माः ।
हाइपर
मागु सिबें यक्व न्यासिचाइपिं मिस्त पाखें तापायेगु नं बेश जुइ । आ न्यासि चाःपिं खः की मखु धकाः स्वयेगु खःसा इमिगु प्रोफाइल किपाः वा टाइमलाइन जक स्वःसां गाः ।
