तन्त्र नं छगू विज्ञान हे खः । तन्त्रया मूल खँ धैगु हे थःगु उर्जायात थःगु वशय् तयेगु खः । उर्जा धायेवं साइफाइ प्याखनय् थें थी थी कथंया जः पिज्वइगु अज्योगु छुं हे मखु । थन उल्लेख जु्याच्वंगु उर्जाधैगु हे मनया आवेग, संवेदन, मनसुवाः वा भाव जक हे खः । झीगु शरीरं पिज्वइगु थी थी गतिविधिया खँ हे जक खः । गब्लें तँ वइ, गब्लें अतःमतः कनिं, गब्लें सुं खना माया वनिं, गब्लें मतिना ब्वलनिं । थज्योगु हे संवेदनशील भावं हे झीगु म्ह्य् असरयाना च्वनि । थज्योगु हे भाव पिदनीगु थासय् तियाः अकुपंचरया ज्या याइगु नं खः ।
तन्त्रयात गुब्लें नं हल्का रूपं काये मज्यु् । गुब्लें उग्र रूप थें ताइगु गथेकी तँ तसकं हे उग्र उर्जा थें च्वनिं अथे हे तुं सासः ल्हायेगु तसकं हे विस्तार वा म्हो उर्जा थें च्वनिं । तर तन्त्रया अभ्यासं धाःसा सासः जक ल्हाना नं म्ह पुरा खाकेफइगु अवस्था झीसं यक्व हे खनागु नं दु । थ्व सामान्य स्वास प्रस्वासया व्यायाम हे जक खः।
यक्वसिया विचाः दु की मिस्त उर्जाप्रति यक्व हे संवेदनशील जू । मिजंतय्सं थ्व बिषयलय् यक्व अनु्भव याःगु दयेमाः । झीगु म्ह्य् गुब्लें गुब्लें ब्वलनिगु गूजबम्पस् आखिर छु खः ? म्ह सिरिंग जुइगु ? थुरुरु खाइगु ? अथें कुचुचाइगु वा तप्यंक सेक्सया बिषयलय् दुहांवनेगु खःसा जब छम्ह अतिकं चिटिक्क च्वंम्ह मिसा खनेवं लिंग उत्पन्न तरंग त आखिर छु खः ले सा ?
तन्त्रय् उर्जाया खँ वइगु इलय् नर्वस इनर्जिया यक्व हे भुमिका दयेगु याः । लिसें छुं कथंया शारीरिक तरंगं अझ थप संवेदनशीलतायात उत्प्रेरित याना च्वनिं । सेक्सया दौरान स्खलन जुइ न्ह्यः उर्जा अतिकं हे उच्च विन्दुइ थ्यनाच्वंगु वाः चाया वइ ।
सेक्सया दौरान छुं नं कथंया असन्तुष्टि वा थःगु सेक्सया शीप फुक्कं हे उर्जालिसे स्वानाच्वंगु दइ । तन्त्रं झीत गुकथं थुगु स्खलनया उर्जा त्याका कायेगु धकाः स्यनिं । झीगु इन्द्रीययात सकृय याइ । प्रभाव अप्वयेकी । अले शरीरय् गुगुकथं थुगु उर्जा चाहिइके माः धकाः स्यनिं। आ थथे छाये याये माःगु धकाः नं न्ह्यःसः ब्वलनाच्वने फु । फुक्कं उर्जा छथाय् हे मुना च्वन धाःसा गनं वने छिं अनं तुरुन्त छ्र्वम्र्हुयाः वनिं । उकिं उर्जायात च्यानलिंग याये आवश्यक जू । माः थाय् माःकथं उर्जायात बावंका छ्वयेफइ । सेक्सया उर्जायात थुकथं हे म्हय् न्यंक चाःहिइका तयेफत धाःसा छथासं हे जक उर्जा पिहांवनी मखुत ।
झीगु शरिरदुने अल्याख्य रूपं बाः वनीगु उर्जाया बहाव दु । उर्जाया बहावयात दुनं पिहांवनिगु धैगु सामान्य खँ हे जुल । तर व हे उर्जायात पिहांमछ्वसे दुने हे स्खलित यायेगु हे तन्त्रया शक्ति खः । थ्व हे ज्याखँय् अभ्यास याये फयेकेगु हे तन्त्रया साधना खः ।
तन्त्रया अभ्यास
प्राकृतिक कृया
आत्मज्ञान
इन्द्रीय सकृयता
सेक्स तन जक मखु मन नं खः
स्खलनय् ध्यान केन्द्रित मयायेगु
थःगु क्षमता थुइकेगु
मनय् छुं कथंया तनाव ब्वलंके मबिइगु
