सेक्सया इलय् तुरुन्त हे स्खलन जुइगु थी थी कारण त दु । थुपिं मध्य छु छु कारण खः धकाः वाः थःम्हं छुं भचा न्हापा हे ब्वनातये धुन थें तायेफु । तर सकतां खँ सियाच्वनि धाःसा मखु । थुपिं मध्य छुं छुं खँ त थुकथं न्ह्यब्वये ।
याकनं स्खलन जुइगु चाहना
झीगु मानसिकतायात दुवालेगु खःसा, छु्रं नं खँ वा बस्तु झीसं झीके हे तयाःतये धैगु चाहना जुइगु मयाः । वा ताः ई तक्क थःके हे मुंकातये वा स्वथनातये धैगु जुयाच्वनिं मखु । सुं नं सुं लिसे व चिज इनाच्वनी वा धयाच्वनिं । उकिं सेक्सया इलय् छता खँ मनय् तयाच्वने माः की छाय् जिं याकनं स्खलन यायेगु ? जि याये मखुनी धकाः ढृधता ब्वलंकाच्वने मा । झी स्खलित जुइगु निंतिं हे सेक्स यायेगु खः । झीगु सेक्सया आज्जु नं व हे खः । जि याकनं स्खलित जुइ धकाः सोच मनय् तयाः सेक्स यायेगु व जि याकनं स्खलित जुइमखुनि धा धां सेक्स यायेगुलिइ पानाच्वंगु दइ ।
पने थाकुगु आनन्द
दक्वस्यां अनुभव याःगु सेक्सया छगू ब्व थ्व नं खः । सु्यातं खनां यौन इच्छा जुइगु छगू स्वभाविक खँ खः। थ्व हे स्वभाविकताया लिच्व कथं नच्चागु उमेरय् सेक्सया अनुभव काये मसनिगु इलय् नियन्त्रण याये मफया वसः फिनातःसां अथें हे वीर्य स्खलन जुइगु नं याः । थ्व बिषयलय् स्ुनां नं झीत स्यना मतःगु कारणं प्राकृतिक रुपं हे वीर्य स्खलन जुयाबी अले पाइन्ट प्यानाच्वनिं । झीगु शरीर दुने उत्पन्न जुयाच्वंगु शक्तियात गुकथं नियन्त्रण यायेगु धैगु खँ झीत सु्नानं मस्यं नी । व हे कारणं शरीरय् मुनाच्वंगु शक्ति व स्खलनया आनन्दयात पने फइ मखु ।
तनाव व धन्ना
स्खलनय् विद्यावारी यायेगु धैगु हे आनन्द काये सयेकेगु खः । सेक्सया इलय् यक्व हे अज्योगु पक्ष त दइ गन तनाव लिसें हे मन शान्त जुयाच्वनिं मखु । थज्योगु तनाव छु छु जुइ फु ले सा छक्व विचाः याना स्वये
ईया दवाव
आत्मविश्वास
सेक्सया वारे भ्रम
धार्मिक दवाव
त्यानुचाइगु
स्वापूया दवाव
गर्भ च्वनिगु खःकी धैगु तनाव
पर्फोमेन्सया धन्ना
छुं ल्वये पुनी ला धकाः धन्ना
याकनं स्खलन जुइगु धन्ना
हथाय् चायेगु बानी
सेक्स थेरापिस्तय्गु धापू कथं नच्चागु इलय् याकनं याकनं स्खलन यायेगु बानी जूगु कारणं नं सेक्सया ई म्हो जक जुइगु याः । शुरुइ सेक्स यायेगु इलय् सुं वइला वा सुनां ताइ खनिं धकाः ग्या चिकु दयाच्वनिं । थुकीं याना गुलिफु उलि याकनं सेक्स सेसन क्वचायेके धैगु मत्तिइ दयाच्वनिं । अझ नच्चागु इलय् याइगु हस्तमैथुन नं गृलि फु उलि याकनं यायेगु जुइगु याः । थ्व हे कारणं यानां सेक्स प्रति धारणा मिजंतय्गु पाः । सेक्स यायेगु इलय् आनन्दया स्खलन मखुसे सुनां मखंक्क वा मसिइक सेक्स याये माः । थ्व हे छाप थौं तक्क नं झीके दु ।
स्खलनया उद्देश्य
झीगु संसार हे उद्देश्यमूलक । जीवन म्वायेत उद्देश्य माः । झीगु समाजं झीगु सेक्सया उद्देश्य धैगु हे सेक्स उर्जाया पितछ्वयेगु धकाः हे जक स्यनिं । तर सेक्सया दौरान स्खलन जक मखु से आलिंगन, चुम्बन वा छुं कथंया संवेदनशीलता नं खः । छगू सर्वेकथं मिसातय्त सेक्स सिबें नं थी थी कथंया संवेदनशील ज्याखँ गथे की चुम्बन, आलिंगन मेमेगु इन्टिमेसि यइपु जू । तर सेक्सया दौरान धाःसा केवल स्खलन जक हे मनय् वइगु खँ याना सेक्स लिपा शारीरिक सिथिलताय् अन्त जु वनिं । जबकी सेक्सया आज्जु धैगु हे निम्ह तिपूयात आनन्दया उच्चतम बिन्दुइ यंकेगु कुतः खः गुकिइ तन्त्रं साथ बिइ ।
विचार
गब्लें नं शंका याये हे म्वाः की सेक्सया दकलय् सेल्लागु व असरदार अंग धैगु हे न्ह्यपु खः । गन ध्यान वनिं अन हे जक उर्जा बाः वनिं । यदि आनन्द गन दइ धकाः बिचायात एकिकृत यात धाःसा अभ्यास नं उतिकं हे शसक्त जुइ । सेक्सया इलय् जिं आ थथें स्खलन याये मखु धकाः मनय् ढृड संकल्प यात धाःसा हतपत स्खलन जुइ अखु । गथे की यदि सेक्सया इलय् थः पार्टनरया यौन अंगय् जक ध्यान वन धाःसा हरेक इलय् थःगु शक्ति पार्टनरया अंगय् जक हे जुयाच्वनिं अले यदि थः पार्टनरयात गथे याना सन्टुष्ट याये धकाः जक ध्यान वनाच्वन धाःसा नं सेक्सया धात्थेंगु आज्जु पाखें तापाना च्वनिं । थ्व हे कारण याकनं स्खलन वा प्रिम्याच्योर इजायेकुलेशन जुइगु मनोवैज्ञानिक कारण खः धकाः मनोबैज्ञानिकपिंसं धायेगु याः ।
सेक्सया इलय् आनन्दया संसारय् दुनेगु दकलय् हे उत्तम उपाय धैगु हे न्ह्यपुइ छुं कथंया विचार महयेगु खः । सेक्सया इलय् सेक्सयात हे जक ध्यान बिइगु । छुं हे खँय् केन्द्रित मजुइगु अले थःगु उर्जा शक्ति यात गनं बाः मछ्वसे मु्ंकातयेगु कुतः जक हे खः । थः पार्टनरयात सन्तुष्टि बिइमानि धकाः बिचाः यानाच्वने आवश्यक मजू । जब थःगु सेक्स उर्जायात गनं बहाः मछ्वसे प्राकृतिक रूपं छ्यलये फइ अले जक हे तन्त्रया उपयोग जुइ ।
एकल अनुभुति
झीगु समाजय् सेक्सयात अझ नं छगू एकल अनुभव वा वर्जित बिषयया रूपय् नालेगु याः । झीसं थःत सेक्सय् मछिंगु खँपू सुचेकेगु याना । ख्यालि खँ दयेका छ्र्र्वयेगु याना । खुल्ला रूपय् खँ ल्हायेगु मयाना । गुलिंला सेक्सयात कयाः गथेयाना खँ न्ह्याकेगु धकाः बिचाः तकं नं याये मफुपिं दु । थज्योगु हे तनावय् सेक्सया लिच्वः धैगु प्रिम्याच्योर इज्याकुलेशन जु्इगु याः । सेक्स तनया मिलन जक मखुसे मनया मिलन खः धैगु मस्यं । आत्मया मिलनय् शरिरयात गुकथं छ्यलेमाः धैगु खँ सेक्सया बारे सुनां नं मस्यं । सेक्स धैगु उर्जाया हिलाबुला खः धैगु खँ झीसं मथु ।
इच्छा व आकांक्षाय् जब छुं कथंया आशा विना ज्याखँ याइ तब याउँक हे प्राकृतिक ढंगं ज्याखँ न्ह्याइ । थुकीया अर्थ थ्व हे खः की झीत छु माःग्ु खः उकिया बारे च्यूता कायेगु अले इमान्दार जुयाः थः पार्टनरपाखें बराबर रूपं हे उतिकं हे सम्मान बिइगु लिसें कायेगु जुइ । उकिं छता खँ मेगु छु थुइके माः धाःसां यदिं थः याकःचां (मिसाया कुतः बाहेक) मिसायात सन्तुष्टि याये धकाः तायेकल धाःसा थ्व तःधंगु हे भ्रम जक हे जुइ ।
प्रोस्टेतिस
स्खलनया न्हापांगु ब्व कथं प्रोस्टेत ग्लाय्ण्ड दकलय् हे महत्वपुर्ण ब्व खः । यदि थुगु ग्रन्थी तग्वयाच्वन वा हिइसे च्वनाच्वन धाःसा थुगु स्थीतियात प्रोस्टेटिस धकाः धाइ । थुकींयाना संवेदनशीलता अप्वयेका बिइसा सेक्सया इलय् याकनं वा तुरुन्त हे स्खलन याना बी । उकि पिसाब यायेगु इलय् छुं असहज स्थीति दुसा डक्टर क्यनेगु दकलय् वेस जुइ । थुकीया निंतिं थी थी असरदार वासः दु । गुकीं लायेका नं बी । प्रोस्टेटिसया नितिं तसकं अःपुक्क असर याइगु थी थी नसाज्वलं दु । थुपिं नसा ज्वलं खः क्याफिन, निकोटीन अले अय्ला । यदि च्या कफि, अय्ला यक्व त्वनेगु यात धाःसा थुकीं प्रोस्टेतय् नकारात्मक असर यायेगु याः । मुख्यत मिजं त ३०बर्षं च्वये थ्यनकी चुरोट व अय्लाखं थुगु कथं असर यायेगु याइ । उकिं न्ह्यइपुगु स्खलनया निंतिं दकल मज्जिमगागु खँ धैगु हे उचित खान पान खः ।
सामान्य उसाँय्
सेक्सया निंतिं उर्जा माः गुगु शरिरपाखें प्राप्त जुइ मा । उर्जा धायेवं हे हाकनं तसकं हे तिव्र सेक्सया नितिं थें मखु थें तायाच्वने फु हल्का रूपं जक जुइगु सेक्सया निंति यक्व उर्जा म्वाः थें तायाच्वने फु । तर खँ धाःसा अथे मखु ।
सेक्सया इलय् थी थी अंगया थीथी कथंया बदलाव जु्इ । थुकी खने दइगु कथं लिंग तः त्याः जुइगु जक मखुसे मेमेगु खने मदइगु खँत नं दु गथेकि उच्च रक्तचाप, तिव्र स्वास प्रस्वास जुइगु इत्यादी ।
थज्योगु ज्याखँ यक्व हे शारिरीक उर्जा छ्यलेगु याः । उकिं सेक्सया निंतिं उसाँय् बाँमला धाःसा स्खलनया चाहना थःम्हं धैथे जुयाच्वनि मखु । उकथं हे शरीर थःगु नियन्त्रण मदुपिं गथेकी माःगु सिबें यक्व हे ल्ह्वंपिं मनूत सेक्सया इलय् याकनं हे स्खलित जुइगु याः । उकिं सेक्स व स्खलनयात थःगु नियन्त्रणय् तयेगु निंतिं बांलागु नसा ज्वलं जक मखुसे बांलाक्क व्यायाम यायेगु वा छुं कथं नियमित ब्यायाम याना उसाँय् बालाकाच्वनेगु नं उतिकं हे आवश्यक जु्याच्वं ।
मनोविज्ञान
सेक्सया इलय् याकनं हे स्खलन जुइगु छगू मू कारण नं मनोविज्ञान हे जुइगु याः। सेक्सया इलय् सकारात्मक सोच तसकं हे आवश्यक जू । सेक्सया इलय् छुं छगू चिधंगु वा खितिक्क वा तिक्क मिंगु खँ जक जुल धाःसांनं सेक्सय् पंगः थनाच्वंगु दइ । उकिं सेक्सया थेरापि याइगु इलय् स्वता प्यता खँयात बः बियाच्वंगु दइ छम्ह मनोचिकित्सकं गथेकी ..
व्यक्तिगत सल्लाह
ग्यानापुगु घटनाया लुमन्ति म्होयायेगु कुतः
स्वापूया सल्लाह
तान्त्रिक सेक्सपाखें वासः याना यंकेगु
सेक्सया इलय् थुकथंया खँयात न्यूनिकरण यानावनिगु इलय् गुगु कथंया उर्जा गन छ्यलेगु धैगु खँय् म्हय् अन्यौल दयाच्वनि मखु । गुगु एकाग्रताया आवश्यकता सेक्सया आनन्दय् केन्द्रित जुइमाःगु खः व फुक्क हे मेमेगु खँय् केन्द्रित जुइवं याकनं हे स्खलन जुयाच्वंगु दइ । थज्योगु खँ पनेत नं सेक्सया निंति. मनाविज्ञान वा मनोचिकित्सकया तःधंगु हे भुमिका दयेगु याः ।
