अनेकौ कथंया सभ्यताय् विशेषत पूर्व पाखे, झीगु हे चि चिधंगु उर्जाया बारे अध्ययन याइगु याः । अले थुज्योगु शक्तिइ हे दिक्षित जुइत स्वइगु खः । थज्योगु हे छगू अभ्यास खः चक्र । झीगु शरीर दुने उर्जाया श्रोतत दयाच्वनिं । च्वं निसें क्वथिंक हे उर्जाया केन्द्रत दु । जब जब थज्योगु उर्जा झीगु म्हं उत्पन्न जुइ वा जब जब झीगु म्हय् दुगु उर्जा गनं स्थीर जुयाः च्वना बी झीगु म्हय् वा झीत विस्कं कथंया हे अनुभव जुया वइ । आ थज्योगु अनुभव वा चक्रया खँय् छाय् ध्यान बियाच्वने माःगु खः धकाः मत्तिइ लुयाच्वने फु । थुकीया निताजी कारण दु ।
न्हापांगु कारण खः झीत झीगु पार्टनरलिसे छगू सेक्सया स्वापु जक मखुसे आत्मायानं स्वापू दयेकेमाः ।
निगूगु कारण खः चक्रया अदृष्य लँपु नाला चक्रया माध्यामं स्खलनया शक्तियात अखतं न्ह्याका सेक्सया दौरान याकनं स्खलन मयायेगु खः ।
उर्जाया अस्त्र
तन्त्रया माध्यमं थःगु उर्जाया प्यताजी माध्यमं पितबीइ ज्यू । तन्त्रय् थ्व खँ गुब्लें नं लोमंके मज्यु ।
१ अस्तित्व (रिल्याक्स, ध्यान, एकाग्रता)
२ स्वास
३ सः
४ सनां (motion)
सामान्य रूपंनं झीत छु खं सेक्सया निंतिं उत्तेजित याइ धैगु थुइके फु । सुयांगु स्तन, त्येपचा, वा मेगु छुं कथंया शारीरिक अंग। तर थुपिंला छगू कथं शारीरिक वा वाह्य तत्व जक हे जुल । उर्जाया अस्त्र कथं प्येताजी तत्वं स्खलनया आनन्द प्राप्त याये ज्यु । थुपिं प्यताजी उर्जाया अस्त्र धाःसा आन्तरिक तत्व कथं नालेमाः । थुपिं लँपुं हे झीगु शरीर दुनेया उत्साह लिसें उत्तेजना अप्वयेकीगु खः गुकीं वीर्य स्खलन जुइ । स्पर्शया माध्यम, ताः ताःहाकःगु सासः (म्हुतुं), शरीरया कम्पन अले आनन्दया सः थ्वयाः हे स्खलनया लँपु चालिगु खः । थुकीयात हे छगू कथंया ध्यान प्रकृया कथं नालायंके ज्यु । चक्र कथं स्वास प्रस्वास न्ह्याकेगु हे चक्र ध्यानया प्रकृया खः ।
चक्रया बारे सामान्य ज्ञान
ल्याः थाय् ज्याखँ
१ मूलाधार चक्र सेक्स, म्वायेगु
२ सवादिष्ठान चक्र म्ह, संवदेन
३ मणिपुर चक्र शक्ति, इच्छा
४ अनाहत चक्र मतिना, मोह
५ विशुद्धि चक्र रचना, भाव
६ आज्ञा चक्र विचार, चेतना
७ सहस्त्रार चक्र आत्माया स्वापू
