किपूया बरिष्ठ संगीतकःमि एवं जनवादी म्ये हालामि वीर प्रसाद भन्सारीया याकः संगीत सनिल वइगु ने.सं. ११४६ चिल्लाथ्व तृतीया चैत्र ७ गते शनिवाः जुइ त्यंगु दु । इन्द्रेणी सांस्कृतिक समाज (इसास)या ग्वसालय् जुइगु थुगु सनिल किपूया १० वडा बर्खिहितिइ के.एन.एस. किचेन एण्ड ब्यांक्वेटय् जुइ ।
जनवादी म्ये हालामि वीर प्रसाद भन्सारीं थ्यंमथ्यं न्यागू दशक न्ह्यःनिसें संगीत ख्यलय् पलाः न्ह्याकाच्वंगु खः । जनवादी संगीत न्ह्यब्वयाः जनतायात जागरण हयेत कुतः यानाच्वंगु खः । ज्याझ्वःया ग्वसाः इन्द्रेणी सांस्कृतिक समाज खःसा थुगु सनिल ज्याझ्वः स्वयेगु नितिं टिकट मू द्वःछि तका क्वछिनातःगु दु । ज्याझ्वः धुंकाः भ्वय् नकेगु व्यवस्था नं यानातःगु दु ।
