संगीतकःमि नरेनमान महर्जनया परिकल्पनाय् व निर्देशनय् ‘जय बाघ भैरव’ म्यूजिक भिडियाेया प्रिमियर बागभैरव देगःया पिनेसं प्रजा दबुली जुल । किपू नगरपालिकाया नगर प्रमुख कृष्णमान डंगोलया मूपाहाँसुइ थुगु पितब्वज्या जूगु खः ।
थुगु म्ये किपू नगरपालिकाया नगर प्रमुख कृष्णमान डंगोललिसें रत्नशोभा महर्जन, दिपा महर्जन, रानीशोभा महर्जन, सरोजकुमार महर्जन व नरेनमान महर्जनं हालातःगु दु । म्येया संगीत संयोजन जिवित जल्मीं यानादीगु दुसा म्ये रिकर्डिङ सूर मेलोडी स्टुडियोस जूगु खः । थुगु म्येया रिकर्डिष्ट, मिक्सिङ व मास्टरिङया ज्या सुरेन्द्र श्रेष्ठं यानादीगु दु ।
म्यूजिक भिडियोय् किपूया थीथी दाफा खलःया कलाकारपिंलिसें किपूया नांजाःम्ह कलाकार हिसिला महर्जनया भूमिका दुथ्यानाच्वंगु दु ।
