नेपालभाषा संगीत ख्यःया माैलिक व लाेकम्येया सर्जक लिसें संकलक विष्णु जल्मी ९७ दँया वैसय्य् मन्त । वय्कः छुं इ न्ह्यः निसें उसाँय् सुसाकुसा याये कथं छेँय् हे आराम यानाच्वनादीगु खः । वय्कया छय् जिवित जल्मीया कथं छुं कथंया शारीरिक ल्वचं समस्या मदुगु व स्वस्थ कथं हे जीवन हनाच्वंगु खः ।
नेपालभाषाया संगीत ख्यलय् ज्वः मदुगु याेगदान कथं वि.सं. २०४१ साल निसें वय्कलं नेपालभाषाया म्येचाः “लायलामा” ब्वः १ निसें ८ तक व मेमेगु म्येचाः कथं “ग्वयस्वांमाः” ब्वः १ निसें ३ तक व “लिसवाः” वि.सं. २०५५ साल तक पिथना दिगु खः ।
लाेकम्ये सर्जक विष्णु जल्मिं ढंग मदुनी भम्चा, बजि ल्हुइ नं म्वाल, मन जिगु स्यंकाबिल त्याक्सि ड्राइभर चां, ल्हा ज्वनाः साले मते, गन वने , याे निनि मल्जु, नकतिनि ह्वःगु, वांगु सिमाचाय् म्हासुम्ह झंगःचा, म्हिगः छिम्थाय् भ्वय् नः वयां.. थेंं जाःगु अनगिन्ति कालजयी म्ये न्ह्यब्यादीगु खः ।
विष्णु जल्मीया नेपालभाषा सांगितिक ख्यलय् थज्याेगु हे ज्वःमदुगु याेगदानया कदर याःसें पेजथ्री बाःछिपतिं ग्वसाः ग्वःगु पेजथ्री पिपल्स च्वइस अवार्ड ११३७य् वय्कःयात लाइफ टाइम एचिभमेन्ट अवार्ड पाखे नं सम्मान याःगु खः ।
