नेपालभाषा ख्यःयात उतिकं हे सम्मान तयाः समावेशी रुपं नेवाः म्ये नं दुथ्याःकाः निम अवार्डया निर्देशक एवं संकिपा निर्देशक माधवराज खरेल छम्ह म्येच्वमि नं खः । वय्कःया म्ये इलय्ब्यलय् पिदनाच्वंगु नं दु । थ्व हे झ्वलय् वय्कःया च्वसाय् न्हूगु म्ये ‘दूर देखि आएँ प्रिय’ पिदंगु दु । थुगु म्येय् डेभिड शंकरं हालातःगु दुसा संगीत व संगीत संयोजन राजेन्द्र बजगाइँया दु । थुगु म्येया भिडियोय् म्येहालामि शंकरया हे अभिनय दु ।
पूजा ठकुरीया निर्देशनय् दयेकूगु थुगु भिडियोया छायांकन युदिन योन्जन व सम्पादन विनोद बमं यानातःगु दु । गीतकार खरेलया निर्देशनय् दयेकूगु लिपांगु संकिपा ‘चिट्ठी’ याकनं रिलिजया जुइ त्यंगु नं दु ।
