थःम्हं क्वछिनातःगु ज्याझ्वलय् शारीरिक अस्वस्थताया कारणं उपस्थीत जुइ मफइगु धकाः स्युसां, स्वतन्त्र संसार महर्जन थःगु उपस्थीति बिनाः हे सम्पूर्ण ब्यवस्थापनया ज्याखँ यानाः थःगु टिमलिसे संसार नेशनल स्टार म्यूजिक भिडियो अवार्ड २०२५य् दुहाँवःगु ९५गू म्यूजिक भिडियो दर्ता याःपिन्त छगू तःजिक ज्याझ्वः यानाः दसिपौ लःल्हात ।
ज्याझ्वः संसार्स क्रियशनया सल्लाहकार एवं यल २१ वडाया अध्यक्ष रविन्द्र महर्जनया सभापतित्वय् याःगु खः । ज्याझ्वलय् मू पाहां कथं यल महानगरपालिकाया मेयर चिरिबाबु महर्जन झायादीगु खःसा विशेष पाहाँ कथं किपू नगरपालिकाया मेयर कृष्णमान श्रेष्ठ, गोदावरी नगरपालिकाया मेयर गजेन्द्र महर्जननं झायादीगु खः ।
ज्याझ्वलय् पाहाँकथं समाजसेवी सरीता महर्जन, वरिष्ठ सिने पत्रकार विजयरत्न असंबरे, समालोचक प्रकाश साय्मि, च्वमि विक्रम जोशी व वरिष्ठ निर्देशक पवन जोशीया उपस्थीति दुगु खः ।
ज्याझ्वस राजु महर्जन जुजुया च्वसां पिदंगु थीथी खुगु प्याखँ लिसें स्वतन्त्र संसार महर्जनं म्हितुगु लिसें निर्देशन याःगु प्याखँत ग्वाज्यचा, ए जि यःम्ह, निफ्वः स्वां, हसना, पियाच्वना व वा रे यज्जु वा संकिपाया स्कृप्ट पिथंगु खः । थुगु सफूया सम्पादन सुनिता राजभण्डारी जुनुं याःगु खः ।
मुक्कं ९५गू दर्ता जूगु नेवाः म्यूजिक भिडियोयात दसिपौ लःल्हाःगु खः ।
अय् जि योम्ह मय्जु – सुन्दर श्रेष्ठ
आकाझाकां – नेवाः साधना कला केन्द्र
अन्ति सोमा सलिचा -फ्यामलि क्रयु
असं बजारय् मंगः बजारय् – मोहन शाक्य
अति दुर्लभ मानव – धापाखेल ज्ञानमाला भजन म्ये हालामि पुचः
बसन्त – एल जे इन्टरटेन्मेन्ट
भाः मरुम्ह मिजं – सानुमैंया ताम्राकार धौबडेल
भट्टिख्वों ड्राइभर – अष्ट महर्जन
भवचक्र – जुजुभाइ तुलाधर
बुद्धर्धमया – श्रीजना श्रेष्ठ
छ नाप मिखा ल्वात – नेवाः साधना कला केन्द्र्र
चखुंया पलाः – दिपक कपाली, रुबि लामा
छंगु ल्यू ल्यू – सरीता महर्जन
छंगु मतिना – न्हुच्छेकाजी महर्जन
छंगु मतिना राजकुमार मानन्धर
छंगु नुगलय् – न्हुच्छेकाजी महर्जन
छन्त छु जुल – निर्मलरत्न शाक्य
छन्त जि यःगु खःसा – जुजुभाइ तुलाधर
छन्त खना – रविन्द्र शाक्य, बिपिन शाक्य
छन्त पिप्युं – राजेन्द्र श्रेष्ठ
छन्त स्वयाः – लुँझ्याः कलाः केन्द्र
छपला द्वन जिगु – सुशिल श्रेष्ठ
दः पिनि द्यः ब्वयेकि – राजकुमार मानन्धर
दः यःम्ह व गन दइ – विकास रत्न कंसाकार
दागबत्ती – सुरेन्द्र श्रेष्ठ
देगः पतिं द्यः माल – राजकुमार मानन्धर
देय्या लागिं – प्रेम महर्जन
ध्वदुल नापलात – धुँ देय् प्रोडक्शन
द्यः मरु देगः – गंगादेवी महर्जन
दिलमाया – राजकुमार मानन्धर
फेसबुक – शुद्धलक्ष्मी श्रेष्ठ
फल्चा व बल्चा – सेवा सहयो तीर्थ यात्रा
गब्ले गब्ले – नरेनमान म्यूजिक
गय् जक ख्याः यायेमाःम्ह – मोहन शाक्य
गुलि जक बांलाः छ – सुरेश मानन्धर
गुलि तापाः उलि हे मतिना दइ – जयलक्ष्मी सिद्धि बज्राचार्य
गुँया कापिइ ह्वयाःच्वंगु – बिजय मास्की
हाकनं छक्व – सुरज ब्यंजनकार
हेरामाया मैंचा – राजकुमार श्रेष्ठ
हिसिदुम्ह मैंचा – सरीता महर्जन
ह्वयाःच्वंगु स्वां – बिपना शाक्य
जगतया गुरुवर गौतम बुद्ध – धापाखेल ज्ञानमाला भजन म्ये हालामि पुचः
जन्म ब्युम्ह – तीर्थ मान महर्जन
जात्राया हुलय् मय्जु – अलन शाही, समा डंगोल
जय गणेश – सरीता शाक्य
जीवन अनमोल खः – मीनर्वा देवी शाक्य बज्राचार्य
जीवनया त्वाथः गगन थौं – मीनर्वा देवी शाक्य बज्राचार्य
जेरी चाकुसे – ज्योति म्यूजिक
झिकुचा झ्वाँय् याना – अलन शाही, समा डंगोल
झिँखुदँ दत – कृष्ण डंगोल
झ्यालँ झ्यालं – मोहन शाक्य
जि छिमि शाहरुक खान – सुमित्रा महर्जन श्रेष्ठ
जिला थौं ससः – राजेन्द्र सुवाल
जिद्दीम्ह – भेष महर्जन
जिगु देय् जितः यः – ईलोहं प्रकाशन
जिगु नुगः दुने – रामप्रसाद ध्वँजु
जिला ल्यासे जुयाः वल – आर बि म्यूजिक नेपाल
जितः छाय् त्वताः वना – फुलमाया महर्जन
जुल रे जुल – सविना मानन्धर
ज्वजलपा हाइ हेल्लो – जितेन्द्र शाक्य
ज्यापुनिं मैंचा – कल्चरल थियटर अनलाइन मिडिया
खेलु इताः – ज्योति म्यूजिक
लहिना तैगु दुघाः – नेवाः साधना कला केन्द्र्र
लजगाः छुं मदु – राजकुमार श्रेष्ठ
लँय् वइम्ह – सुमन बज्राचार्य
लिफः -बिमला यलनास
लोकनाथ – नरेनमान म्यूजिक
मध्यपुर थिमि म्हसिका – कल्पना श्रेष्ठ
मतिनाया स्वां – रेखा श्रेष्ठ
मतिनाया खँ – लसता जोशी
मतिनाया सर्गतय् – न्हुच्छेकाजी महर्जन
म्हगसय् वयाः – अन्नपुर्ण तुलाधर शाक्य
मुसुँ न्हिला – बिपना शाक्य
मुसहुँ न्हिला – सुनिल चित्रकार
मुसुक्क – जुजुभाइ तुलाधर
नापच्वने मदुसां – ईलोहं प्रकाशन
नक्कलिम्ह मय्जु – बिनोद महर्जन
नेपामि झी महेशमान – डंगोल लँजुवाः
न्हिलथें न्हिलेथें यानाः – रत्नसंभव शाक्य
नुगः दुने – प्रमोद सुवाल
नुगः चफुना – नानीशोभा महर्जन
नुगःया खँ – अन्नपुर्ण तुलाधर शाक्य
ङङापा झ्याःया दरवार – रजनी केसि मानन्धर
पार गथे जिगु – पिंकी देसार
समाः यानाः नक्कल याना – ध्रुव कपालि
स्कुल वनां आखः ब्वनाः – अमृत रत्न शाक्य
सोमा दने थ्वँ – सरस्वती महर्जन
सरी धैब्यु – रीचु जोशी शाक्य
सुटुक्क वयाः – शैलेन्द्र तुलाधर
त्वते मते छं जनम जनम – नन्द महर्जन
वा जिन्दगीया छ हे पासा – हर्षलाल महर्जन
वनेवा झीपिं -रविन्द्र वीर शाक्य
यः मय्जु छ जिगु न्ह्यलय् – रञ्जु श्रेष्ठ
यचुगु मन – बिमला बज्राचार्य
ययेके धकाः येय्का मखु – जमुना शाक्य
मुक्कं ९५म्हेसित पाहाँपिंंसं खादा व दसिपौ लःल्हाःगु खः ।
विशेष पाहाँ गोदावरी नगरपालिकाया मेयर गजेन्द्र महर्जनं नेवाः ख्यलय् नेवाः कलाकारपिन्त सांस्कृतिक रुपं एक्यबद्धता यायेगु निंतिं थज्योगु अवार्डया आवश्यकता दु धकाः कुलादिल ।
मू पाहाँ चिरिबाबु महर्जनं थुगु ज्याझ्वःयात भिंतुना ब्यूसें स्वतन्त्र संसार महर्जनया भिं उसाँय्या कामना यानादिल । ज्याझ्वःया सफलताया कामना याःसें माःगु ग्वाहलिया प्रतिवद्धता यानादिल ।
सभापतिया थासं रविन्द्र महर्जनं सहभागी लिसें ग्वाहलि यानादीपिन्त सुभाय् देछानादिल।
