कलाकार एवं च्वमि राजु महर्जन जुजुया नेपालभाषाया थीथी खुगु संकिपाया स्कृप्टया संग्रह ” नेवाः प्याखं मुना” सफू पिदनेत्यंगु दु । नेपालभाषा संकिपा, कला व मनोरञ्जन ख्यःया क्रियाशिल ब्यक्तित्व स्वतन्त्र संसार महर्जनया संसार क्रियसन नेपालया ग्वसालय् उगु सफू पिदने त्यंगु खः ।
वइगु माघ १० गते कीर्तिपुर सिनेप्लेक्स हलय् छगू विशेष समरोह कथं जुइत्यंगु दु ।
” नेवाः प्याखं मुना” सफू नेपाःया हे दकले न्हापांगु फिल्म स्कृप्ट सफू जुया पिदनिगु जूगु दु ।थुगु सफुतिइ स्वतन्त्र संसार महर्जनं म्हितादीगु व निर्देशन यानादीगु ग्वाज्यचा, ए जि यःम्ह, निफ्वः स्वां, हसना, पियाचोना, वा रे यज्जु वा नापं याना खुगु फिल्मया स्कृप्ट दुथ्याना च्वंगु दु ।
” नेवाः प्याखं मुना” सफूया सम्पादन सुनिता राजभण्डारी जुनुं यागु खः । सफूया प्रकाशक सरिता महर्जन खःसा मेगु व्यवस्थापन संसार्स क्रियशन्स नेपालपाखें जुयाच्वंगु दु । थ्व सफूया मू न्यासः तका तयातःगु दु ।
थुगु हे दिन ग्वसाः खलःपाखें ग्वसाः ग्वयाच्वंगु संसार नेशनल स्टार म्यूजिक भिडियो अवार्ड २०२५ या निंतिं दुहाँवःगु ९५ गु म्युजिक भिडियोया सर्जकयात नं दर्ता प्रमाणपत्र लःल्हाये त्यंगु खः । ज्याझ्वलय् यल महानगरपालिकाया मेयर चिरिबाबु महर्जन मूपाहाँ कथं उपस्थित जुयादीगु खँ नं जानकारी बिउगु दु ।
