नेपालभाषाया छगू न्यइपुसे च्वंगु न्हूगु म्यूजिक भिडियो “हाकु पर्सी सिना“ सार्वजनिक जूगु दु । प्रेमकृष्ण श्रेष्ठं च्वयातःगु व ईश्वर मगैयां लसय् हनां हालातःगु थुगु म्ये विजेश्वर तण्डुकारं संगीत संयोजन यानाः टास स्टुडियोस रिकर्ड यानातःगु खः ।
थुगु भिडियोय् मनोज महर्जन व हसना महर्जन मू भूमिकाय् दु । सुरज नापितं निर्देशन, कोरियोग्राफी व परिकल्पना यानातःगु थुगु भिडियोस नेवाः संस्कृतिया कलात्मकता व सिर्जनशीलता न्ह्यब्वयातःगु दु । भिडियोया सिनेमाटोग्राफी, सम्पादन, व कलरिङ सोहन मानन्धरं यानातःगु खः।
काठमाडौं म्युजिक स्कूलं निर्माण याःगु थुगु भिडियोय् रोज फेसन व उत्पाला ड्रेस हायर सेन्टरया भेसभुसा दु । मेकअप ब्यूटी मार्क पार्लर एण्ड मेकअपया रिना महर्जनं यानादीगु दु ।
म्यूजिक भिडियोस छगू न्हूगु सवाः दु । सकल स्वकुमिपिन्त मोहक यायेगु धैगु ताः तुनां म्येहालामि ईश्वर मगैयां पेजथ्रीयात कंगु दु ।
