नगां दाफा खलःया न्ह्यब्वयाय् नेपालभाषाया न्हूगु म्ये जितः यःम्हया प्रिमियर शो किर्तिपुर सिनेप्लेक्सय् घ्यःचाकु सँल्हु खुन्हु जुल । राजेन्द्र महर्जनया च्वसा, दाफाया लोक लसय् हनातःगु थुगु म्ये मथुरा महर्जन व दिपा महर्जनं हालातःगु खःसा म्येया संगीत संयोजन सन्तोष महर्जनं यानातःगु खः । थुगु म्येय् मनोज महर्जन व राष्ट्रिका शाक्यया अभिनय दुथ्यानाच्वंगु दु ।
ज्याझ्वलय् थुगु म्ये दयेकेत संयोजन याःम्ह उमेश महर्जनं लसकुस याःगु खः । वय्कलं संवत् ९६६ नगां दाफा खलःया अस्तित्वय् वयेधुंकुगु खँ कुलादील । कलाकार मनोज महर्जनं थःगु अनुभव कनेगु झ्वलय् सुटिंगया झ्वलय् सकस्यां आत्मियता क्यंगुलिं नगां हे थःगु गां थें च्वंगु खँ कनसा निर्देशक रजीन महर्जन लिसे ज्या यायेत तसकं हे आय्बुयाच्वनागु खँ कन ।
ज्याझ्वलय् किपू नगरपालिकाया मेयर कृष्णमान डंगोल, जन गायक रामकृष्ण दुवाल लिसें आपलं किपूया बौद्धिक व्यक्तित्वपिनिगु उपस्थीति दुगु खः । म्येया निर्देशक रजीन महर्जन खःसा थुगु म्ये मगन इन्टरटेन्मेन्टया न्ह्यब्वया खः ।
