पावर ईन्टरनेशनल मिडिया नेपाल (पिम नेपाल) या ग्वसाःलय् ८औं संस्करणया राष्ट्रिय समावेशी म्यूजिक अवार्ड – निम अवार्ड २०२५ या नितिं म्ये दुथ्याकेत आव्हान याःगु दु । ८ दँ न्ह्यः निसें पुर्व मेची व पश्चिम महाकाली तक्क देसय् व देसं पिने च्वनां नेपालय् न्ववाइगु थी थी भाषाया म्ये व म्यूजिक भिडियोत दुथ्याकाः थुगु अवार्ड न्ह्याकाच्वंगु खः । नेपाःया दक्वं भाय् राष्ट्रिय भाषा खः धैगु ताः तुना न्ह्याकाच्वंगु थुगु अवार्डय् थीथी भाषाया अवार्ड यानां मुक्कं ४१ विधा दुथ्याःकाः तःगु दु । कलाकार, श्रष्टा व सर्जकपिंत अनलाईन भोटिङ प्रकृया व निर्णायक पिनिगु मतया आधारय् सर्वोत्कृष्ट घोषणा यानां अवार्ड लःल्हायेगु जुइ धकाः निम अवार्डया ज्याझ्वः संयोजक कमला जोशीं जानकारी बियादिगु दु ।
८क्वःगु निम अवार्डय् नेपालभाषाया म्होति नं न्यागू विधा दुथ्याइगु खँ संस्थाया अध्यक्ष माधवराज खरेलं जानकारी बियादीगु दु । वंगु दँय् नेपालभाषाया म्ये च्वमि, नेपालभाषाया संगीतकार, नेपालभाषा गायन व नेपालभाषा भिडियो दुथ्याःगु खःसा थुगु दँय् नेपालभाषाया निंतिं थप विधात दुतिनिगु खँ नं न्ह्यथनादीगु दु ।
८क्वःगु निम अवार्डया निंतिं Aventoz.com पाखें दर्ता न्ह्याकाच्वंगु दु ।
