आदिबासी जनजाति सांस्कृतिक महोत्सवय् योमरी पुन्हिया न्हिं खुन्हु ज्याेति म्यूजिकया न्हूगु म्ये सः जिगु या प्रिमियर तःजिक जुल । ज्याझ्वः १६ वडाया नायः निर्मल रत्न शाक्य मूपाहाँ कथं झायादीगु खः ।
निभा डंगोलं हालादीगु उगु म्येया संगीतकार सुरेन्द्र श्रेष्ठ खःसा म्येया संगीत संयाेजक जिवित जल्मि खः । रोहिया महर्जनं हुलाप्याखं काेरियाेग्राफ यानादीगु खः । लोकंह्वाःगु म्ये ” सचिका चिना” या म्येहालामि निभा डंगोलंया हे सिक्वल कथं सचिका चिना २ धकाः ” सः जिगु”या प्रचार नं जुयाः च्वंगु खः । थुगु म्येया च्वमि एवं निर्देशक विश्वास बज्राचार्यं सः जिगु म्ये छम्ह मिसा मचाया याैवनया हिलासुयात अनुभव याइगु म्ये खः धाःसें टिन एज लिपा वइगु ह्युपाःयात न्ह्यब्वयागु दु धकाः थःगु नुगः खँ तयादीगु खः ।
भिडियोया पितब्वज्या यलया मंगलय् कात्ति दबुलिइ जूगु खः । भिडियाेलय् निभा डंगोल लिसें सुधा महर्जनया अभिनय दु ।
ज्याझ्वलि् पितब्वज्या जूगु म्येयात कया नेपालभाषाया वरिष्ठ सिने पत्रकार विजयरत्न असंबरें समीक्षात्मक टिप्पणी याःगु खः ।
