पेजथ्री बाःछिपौया ग्वसालय् जनकवि दुर्गालाल श्रेष्ठया शब्द, जुगल डंगोलया संगीत व संगीत संयोजनय् ®त्नशोभा महर्जनं हालातःगु छंगु छन्त हे म्येचाःया ‘कं नं स्वां जुइ’ म्येया कभ® कासा याःगु खः । थुगु कासा कोभिडया इलय् याःगु खःसां म्ये कासाय् ब्वतिकाःपिं मध्ये उत्कृष्ट म्ये हालामिकथं निर्णायक पुचलं धुलिखेलया भाजु ®ाजिव योगल श्रेष्ठया यात ल्यःगु खः । थुगु कासाया सिरपा कथं भाजु योगल श्रेष्ठया छपू कभर म्ये रेकर्ड यानाः भिडियो पिथंगु खः । थुगु हे कासाय् मीनर्वादेवी शाक्य बज्राचार्यया दकलय् अप्वः भ्यूज वःगु व भाजु दिनेश ®ाज वज्राचार्यया दकलय् आपाः लाइकस् वःगुलिं वहया पाँय्म्वः नं सिरपाः कथं ब्यूगु खः । थुगु हे कासाया सिरपाकथं हाःगु म्येया भिडिओ दयेकाः उकिया प्रिमियर ज्याझ्वः विश्वज्योति हलय् जुल। कासाया संयोजक, पेजथ्री बाःछिपौया सम्पादक दर्शन वीर शाक्यं हे थुगु म्ये निर्देशन यानादीगु खः । ज्याझ्वलय् लसकुसया इलय् दर्शनवीर शाक्य थुगु प्रोजेक्टया नितिं हःपाः ब्यूपिं जुगल डंगोल व मनोजरत्न शाहीयात लुमंकादिल । सिरपा बिजेता राजीव योगल श्रेष्ठं कभर म्ये हालेगु निंतिं लेजेण्डरी गायक जुजुकाजी रंजितया सःया म्ये ‘नाप च्वने मदुसां’आर्टोम्यूज रेकर्डिंग स्टुडियों गायक जुजुकाजी रंजितया स्वीकृतिं कभर म्येया प्रोजेक्ट नं न्ह्याकुगु खः ।
पेजथ्री बाःछिपौया ग्वसालय् जनकवि दुर्गालाल श्रेष्ठया शब्द, जुगल डंगोलया संगीत व संगीत संयोजनय् रत्नशोभा महर्जनं हालातःगु छंगु छन्त हे म्येचाःया ‘कं नं स्वां जुइ’ म्येया कभर कासा याःगु खः । थुगु कासा कोभिडया इलय् याःगु खःसां म्ये कासाय् ब्वतिकाःपिं मध्ये उत्कृष्ट म्ये हालामिकथं निर्णायक पुचलं धुलिखेलया भाजु राजिव योगल श्रेष्ठया यात ल्यःगु खः । थुगु कासाया सिरपा कथं भाजु योगल श्रेष्ठया छपू कभर म्ये रेकर्ड यानाः भिडियो पिथंगु खः । थुगु हे कासाय् मीनर्वादेवी शाक्य बज्राचार्यया दकलय् अप्वः भ्यूज वःगु व भाजु दिनेश राज वज्राचार्यया दकलय् आपाः लाइकस् वःगुलिं वहया पाँय्म्वः नं सिरपाः कथं ब्यूगु खः । थुगु हे कासाया सिरपाकथं हाःगु म्येया भिडिओ दयेकाः उकिया प्रिमियर ज्याझ्वः विश्वज्योति हलय् जुल। कासाया संयोजक, पेजथ्री बाःछिपौया सम्पादक दर्शन वीर शाक्यं हे थुगु म्ये निर्देशन यानादीगु खः । ज्याझ्वलय् लसकुसया इलय् दर्शनवीर शाक्य थुगु प्रोजेक्टया नितिं हःपाः ब्यूपिं जुगल डंगोल व मनोजरत्न शाहीयात लुमंकादिल । सिरपा बिजेता राजीव योगल श्रेष्ठं कभर म्ये हालेगु निंतिं लेजेण्डरी गायक जुजुकाजी रंजितया सःया म्ये ‘नाप च्वने मदुसां’आर्टोम्यूज रेकर्डिंग स्टुडियों गायक जुजुकाजी रंजितया स्वीकृतिं कभर म्येया प्रोजेक्ट नं न्ह्याकुगु खः ।
प्रमियर ज्याझ्वलय् थुगु म्ये न्हापां रेकर्ड याना दिइम्ह म्ये हालामि जुजुकाजी रंजित विसं २०३२ सालय् अध्ययनया झ्वलय् रुस वने न्ह्यः नेपालभाषा व नेपालीभाय्या न्यापू खुपु म्ये रेकर्ड यानाः वंगु जुयाच्वन। अबलय् हे ‘नाप च्वने मदुसां’ म्ये रेकर्ड यानाः वंगु जुल । तर २०३८ सालय् थःगु अध्ययन क्वचायेकाः नेपाः लिहाँ वयेधुंकाः थुगु म्ये तसकं हे लोकं ह्वाये धुंकुगु जुल । आपाः हे म्ये हालामिपिन्सं थुगु म्ये थी थी थासय् हाले धुंकुगु जुयाच्वन । थौं तक नं ‘नापच्वने मदुसां ख्वाः जक जुसां क्यं वा रे’ म्ये आपलं हे म्येहालामिपिन्सं कभर हालाः सामाजिक संजालय् तयातःगु दु । थुकीं थुगु म्येय् मूल सः ब्यूम्ह कलाकार सु धकाः यक्वसित अलमल जुयाच्वंगु नं खनेदत । थुगु हे भ्रमयात फाया छ्वयेत गायक जुजुकाजी रंजितं थुगु म्येया इतिहास कनादीगु खः ।
गुम्हेस्यां मतिनाय् थः योम्ह लिसे बायाः जुइ माल, इमित म्ये च्वमि एवं संगीतकार हरिबहादुर रंजितया थुगु म्यें नुगलय् ज्वन। वरिष्ठ फोटोग्राफर राजभाइ सुवालं थुगु हे म्येया कभर भर्सनय् तयार जूगु ज्याझ्वलय् म्युजिक भिडियोया स्वयाः थःम्हं नं न्हापा थुगु म्ये सुलाः सुलाः हालाःगु लुमंका दिल, रेडियों हायेकी बलय् त्वमफिक न्येनेगु खँ कना दिल । समालोचना यानादीम्ह राजभाइ सुवालं थुगु म्येया भिडियो पिदनां आः थुगु म्ये हाकनं न्हूगु पुस्ता दथुइ लोकंह्वाइगु अले मेगु ५० र्दँया आयुया निंतिं थुगु म्येया ल्यन धकाः धयादिल ।
पेजथ्री बाछिपौया सम्पादक दर्शनवीर शाक्यया परिकल्पना व निर्देशनय् दयेकूगु थुगु म्ये संकिपाय् किशोर चिपालु व रविना तुलाधरया मूभुमिका दु । मनोजरत्न शाहीया छायांकन व सम्पादनय् दयेकूगु म्येसंकिपाया जर्सिङपौवाया ‘चैत्य रिसोर्ट’य् जूगु खः । जुगल डंगोलया संगीत संयोजनय् आर्टोम्यूज रेकर्डिङ स्टूडियोय् थुगु म्ये रेकर्ड जूगु खः ।
पूर्वमन्त्री शैलेन्द्र बज्राचार्यया विशेष उपस्थिति दुगु ज्याझ्वलय् नेवाः कलाकारपिनिगु सम्मानय् थः मन्त्री जुयागु इलय् बजेटय् शिर्षक तयागु व थुगु बिषलय् कुतः यानाः नेवाः कलाकारपिनिगु निंतिं छुं ज्याझ्वः दयेकेगु खँ नं न्ह्यथनादिल ।
ज्याझ्वलय् ईलोहं प्रकाशनया प्रबन्ध निर्देशक नरेशवीर शाक्यं ईलोंह प्रकाशनं नेवाः कलाकारपिनिगु निंतिं न्हापां निसें हे विशेष तिबः बियाःच्वनागु खँ कुला दिल । ईलोहं प्रकाशनया पिथना पेजथ्री बाःछिपौ पाखें नेवाः कलाकारपिनिगु निंतिं पेजथ्री पिपल्स च्वइस अवार्डया प्यंगू संस्करण क्वचाये धुंकुगु लिसें लाइफ टाइम एचिभमेन्ट अवार्ड धकाः राम शेखर नकःमि, जगमोहन वामि, विष्ण्ु जल्मी, मदनकृष्ण श्रेष्ठयात सम्मान यानागु लिसें छुं ई न्ह्यः नं रामकृष्ण दुवालयात किपुलिइ वनां सम्मान यानागु, जुजुकाजी रंजितया याकः सनिल ‘छैमले रिसोर्ट’य् यानाः नेवाः कलाकारपिन्त थःगु दत्तचित्तं सम्मान यानाच्वनागु खँ कुलादिल ।
ज्याझ्वलय् सुनचाँदी बिक्रेताया प्रोपाइटर रत्नवीर शाक्यं कासाय् आपा लाइक्स व भ्यूज वःपिन्त वहया म्वः नं लः ल्हाःगु खःसा माननीय शैलेन्द्र मान बज्राचार्यं नापच्वने मदुसा म्यूजिक भिडियोया कलाकार एवं प्राविधिक पिन्त मतिनाया चिं नं लःल्हाःगु खः । ज्याझ्वः मय्जु कल्पना बज्राचार्यं न्ह्याकादीगु खः ।
