नेपालभाषा एकेडेमिया निंतिं अनक मिडियाया न्ह्यब्वया नेवाः एफ एम १०६.६ रेडियोय् नेवाः संगीत दबू रेडियो ज्याझ्वः २५० ब्व क्वचाःगु लसताय् छगू ज्या झ्वः जुल । ज्याझ्वलय् गंगा देवी महर्जनया कतांमरि बोलया म्येचाः नं बिमोचन जूगु खः ।
ज्याझ्वलय् अनक मिडियाया प्रवन्ध निर्देशक श्रीकृष्ण महर्जन, विविशा शाक्य, जुगल डंगोल, राजभाइ जकःमि, विजय रत्न असंबरे, लेजेण्डरी सिंगर जुजुकाजी रंजित लिसें पाहांपिंसं नुगः खँ तयादीगु खः ।
ज्याझ्वलय् ख्यालि जुजु मदनकृष्ण श्रेष्ठ, लोक गायक रत्न बेहोसी, वरिष्ठ गायिका संगीता राणा प्रधान लगायत पाहाँपिंसं कतांमरि म्येचाः पितब्वज्या याःगु खःसा उगु हे म्येचाःया छपू म्ये कतांमरीया भिजुअल नं पिथंगु खः । कतांमरी म्येया म्ये च्वमि संघरत्न शाक्य खःसा लयचिनामि जुगल डंगोल खः । म्येया निर्देशन रवि साय्मिं यानातःगु खःसा म्यय् राष्ट्रिका शाक्य व सुदित श्रेष्ठया जोडी दु । थुगु म्ये गंगादेवी महर्जन व ख्यालि जुजु मदनकृष्ण श्रेष्ठं हालातःगु दु ।
