राजामति सुमति, देख्दै भुल्छ पिरती राजमति साह्रै राम्री छे … । खस भासं राजामति कुमतिया अनुवाद लिसें छगू भिडियोया येँया सिटि सेन्टरय् छगू ज्याझ्वः यानां प्रिमियर जुल । भिडियोया परिकल्पना व निर्देशन सबनम मुखियां यानातःगु खःसा म्येया अनुवाद कृष्ण देव रिमालं यानातःगु खः । म्येया संगीत संयोजन सन्तोष श्रेष्ठं यानातःगु दु सा कृष्ण काफलें सः बियातःगु दु।
आदी गाय्क सेतुराम प्रधानया सम्मानय् राजमति म्ये देछाःसें छगू बःचा धंगु डक्युमेन्टरी नं क्यंगु खः । ज्याझ्वलय् राजमति संकिपाया कलाकरपिं हिसिला महर्जन, मणिराज लवट व ख्यालि जुजु मदनकृष्ण श्रेष्ठया उपस्थीति दुगु खः ।
ज्याझ्वलय् म्येहालामि सेतुराम प्रधानया छेँजःयात सम्मान याःगु खःसा वरिष्ठ पत्रकार विजयरत्न असंबरेयात राष्ट्रिय पत्रकारिता सिरपा व व्यवसायी फुपु तेन्जिङ शेर्पायात राष्ट्रिय युवा उद्यमी सिरपाःपाखें नं सम्मान याःगु खः ।
सच्छि दँ न्ह्यःया बाखं कथं थुगु म्येया भिजुअल यानातःगु खः । सागर खनाल व सोनी लागुनलिसें आपालं कलाकारपिंसं अभिनय यानातःगु दु । म्येया निर्माता रश्मी पायकुरेल खः ।
