भुपेन्द्रमान शाक्यया न्हूगु नेपालभाषाया म्ये नुगःया खँ सिटिसि मलय् प्रिमियर जुल । म्येय् सुरेन्द्र श्रेष्ठया संगीत व संयोजन जुयाच्वंगु दु सा चण्डेश्वर महर्जनया च्वसा दु । थुगु म्ये रत्न शोभालिसे ज्व म्ये कथं हालातःगु खः ।
थौंकन्हे नेपालभाषा ख्यलय् लोकंह्वानाच्वंम्ह कलाकार राष्ट्रिका शाक्य व अमोधवीर बज्राचार्यया स्क्रीन जोडी थुकी दु । म्येया निर्देशन विश्वास बज्राचार्यं यानातःगु खःसा थुकिया छायाँकन व सम्पादन आकृष्ट शाक्यं यानातःगु दु । म्येया कोरियोग्राफी उपाशना शाक्यं यानातःगु दु । थुगु म्येया निर्माण अन्नपुर्ण तुलाधर शाक्यं याःगु खः ।
थुगु म्ये लिसें हे भुपेन्द्रमान शाक्यया हे सलय् खस नेपाली भाय्या मधुर बचनले गर सत्कर्म बोलया भजन नं पिदंगु खः । निपुं हे म्ये सुरेन्द्र श्रेष्ठं संगीतबद्ध यानादीगु खः ।
निपुं हे म्येया बिषयलय् वरिष्ठ सिनेपत्रकार बिजयरत्न असंबरें समालोचना यानादीगु खःसा ज्याझ्वयलय् लेजेण्डरी सिंगर जुजुकाजी रंजित मू पाहांकथं झायादीगु खः ।
