नेपालभाषाया एक्शन संकिपा तसकं हे म्हाे । नेवाः एक्शन संकिपाया धलखय् जिपिं बदमाश मखु, अंश थें जाःगु संकिपाःया नां लुमना वइसा आः हाकनं मेगु नेपालभाषाया एक्शन संकिपा बहिदार बाबुया शाे श्रावण २६ गते शनिवाः किपूया पांगा च्वंगु कीर्तिपुर सिनेप्लेक्स हलय् क्यने त्यंगु दु ।
नेपालभाषा संकिपा ख्यलय् छम्ह सकृय साधक कथं बाशु शाहीया निर्देशनय् तयार जूगु ‘बहिदार बाबु’ संकिपा नांजाःम्ह एक्शन कोरियोग्राफर लक्ष्मण सेन्चुरीं द्वन्द निर्देशन याना तःगु दु । थुगु संकिपाया निर्माता रीता घेमोसु खः ।
थुगु संकिपाय् ख्यालिजुजु मदनकृष्ण श्रेष्ठया नापनापं नेपाःया नांजाःपिं कलाकार राजाराम पौड्याल, लक्ष्मी गिरी, शुशील पोखरेल, रवि डंगोल, सुरज व्यन्जनकार, सुरज नापित अले बाशु शाही, शोभा महर्जन व आराध्यालक्ष्मी खड्गी म्हिताच्वंगु दु ।
प्याखनय् सावनदेव श्रेष्ठया संगीत व छायाँकन अले सम्पादन सोहन मानन्धरं यानातःगु दु ।
सुकुन्दा फिल्म्स प्रोडक्सनया पाखें निर्माण जूगु थ्व ‘बहिदार बाबु’ संकिपाया निर्माता रिता घेमोसु व सह निर्माता डा. कृष्णकुमार श्रेष्ठ खः ।
