नेपाल १०६
नेडरल्याण्ड्स १०९/४
नेडरल्याण्ड्स् ६ विकेटं त्यात । (८गः बल ल्यंदनिबलय्)
१) नेपालं टस त्याके मफूत । टस त्याःगु टिमं बलिंग याइगु स्वभाविक खः । वाः वयेधुंकाः ग्राउण्डय् बल स्विंग जुइ । तर निभाःत्वये धुंकाः बल स्विंग जुइगु म्हाे जुइ । नेडरल्याण्ड्स् या बलरतय्सं थुगु स्थीतिया फाइदा कायेफत । नेपालय् थुगु कथंया पिच् मदुगु व थज्याेगु पिचय् म्हितेगु बानी नं मदुगु जुल ।
२) नेपाःया कासामिं हरेक बलयात न्याक्क थ्वायेत स्वःगु खनेदत । भचा धैर्य जुयाः पार्टनरशीप दयेकेगु कुतः मजुल । शायद न्हापांगु कासा जूगुलिं भचा नर्भस जूगु नं खनेदत ।
३) अन्तिम अाेभर तक्क पुवंक म्हितेगु रणनीति आवश्यक जु । तर नेपालं थ्व रणनीति पुवंके मफूत ।
४) फिल्डींगया इलय् नेपाःया एकाग्रता पुमवन । २गू क्याट्च त्वः फिकुगु खःसा शुरूवाति इल्य बल स्विंग जुयाःच्वंगु बखतय् स्लीप मतःगु कप्टान राेहित पाैडेलया गल्ति जुल ।
५) फिल्डींग या इलय् रक्षात्मक रणनीतिया कारणा नेडरल्याण्डसया कासामिपिंसं याउँक हरेक बलय् छगू रन धैथे कायेगु यानाच्वन गुकिं यानां नेडरल्याण्डयात छुं कथंया प्रेसर बिइत ताः मलात । भचा आक्रमक रणनीति छ्येलेमाःगु खः छाय्धाःसां १०६ रनया टार्गेट रक्षा यायेत रक्षात्मक नीति ज्या वइमखु ।
बांलागु पक्ष
१) दकलय् बांलाःगु पक्ष दर्शकया स्पाेर्ट खः । स्टेडियम हे साेल्ड आउट जूगु व नेपाःया निंतिं दर्शकया कुतः सकारात्मक खनेदत ।
२) नेपाःया बलिंग स्येल्लाःगु हे खनेदु । फिल्डिंगया कमिकजाेरी मजूगु खःसा लिच्वःलय् मेगु हे कथं जुइफू धकाः आंकलन याःपिं नं दु ।
३) नेपाःया निंतिं बिग् हिटर्स नं दु धैगु विश्व न्ह्याेने खने दत । गुल्शन झा व करण केसिं थ्वाःगु छक्का यक्वस्यां लुमंकी तिनि ।
४) श्रीलंका व साउथ अफ्रिका दथुइ जूगु कासाय् श्रीलंका ७७ रनय् अलआउट जूगु खःसा नेपाःया १०६ रन छगू कथं सम्मानजनक रन खः धकाः नं थुइके माः ।
