रजीन महर्जन नेपालभाषा ख्यलय् छम्ह लोकंह्वाःम्ह निर्देशक धकाः म्हस्यु । छुं ई न्ह्यः तिनि पिदंगु म्यूजिक भिडियो वया मां जि, व मनू सु मनू, म्यूजियम व उच्च शिक्षा थें जाःगु मार्मिक लोकंह्वाःगु शर्ट म्यूजिक भिडियो निर्देशन यानादिम्ह खः वयेकः । मगन इन्टरटेन्मेन्टया न्हूगु प्रोजेक्ट छंगु म्हगः गुलि बांलाः २ या निंतिं वय्कलं म्यूजिक भिडियो ख्यलय् अभिनय मार्फत पलाः तयेत्यंगु दु । थ्व सिबें न्ह्यः नं रजीनं बाखंचा सिरियलय् अभिनय याये धुंकुगु दुसा सदय नां याःगु शर्ट मूभिइ नं अभिनय याये धुंकुगु दु ।
‘सलिंचाय्’ नामं पिहांवये त्यंगु छंगु म्हगः २ म्यूजिक भिडियो, सतीश महर्जनं छुं ई न्ह्यः हे तिनि थःगु सः बियाः रेकर्ड याःगु खः । थुगु म्ये आर. मानन्धरं हे च्वयातःगु खःसा छुं ई न्ह्यः पिदंगु ‘छंगु म्हगः गुलि बांलाः’ म्यूजिक भिडियोया निगूगु ब्व कथं दयेकेत्यंगु खः । थुगु म्येया पोष्टर मगन इन्टर टेन्मेन्ट पाखें पित बिइ धुंकुगु दु ।
‘छं सलिंचाय् लुनाच्वन अय्लाः
त्वने ला मत्वने ला जुया च्वन दः ला
छंगु ख्वाः लुयाच्वन सलिंचाय्
ल्व्हने ला मल्व्हने ला जुयाच्वन दः ला’
थुगु म्येय् न्हापांगु भिडियोया हे कलाकार मय्जु राष्ट्रिका शाक्ययात खंके फइ सा राष्ट्रिकाया हिरो कथं रजीन महर्जन यात खंकेफइ। म्ये याकनं हे शुटिंग जुइत्यंगु दु ।
