प्रतिमा बज्राचार्यया सलय् छपू न्हूगु म्ये दः यःम्ह व गन दइ, भिडियोया प्रिमियर नेवाः नसा गार्डेन रेष्टुरेन्ट बालाजुइ जुल। लक्ष्मी हेरा कंसाकारया न्ह्यब्वयाय् नरेन्द्र कंसाकार व सरस्वति मानन्धर लिसें प्रतिज्ञा बज्राचार्य व प्रविधि कमल कंसाकारया अभिनय दुगु थुगु म्ये नांजाःम्ह निर्देशक राजन शाहीं यानातःगु दु ।
दः यःम्ह व गन दइ, जिगु खँ न्यनिंम्ह न्हिलाः न्हिलाः सुलाः ख्या यायेत भचा हे मछाला मजुइम्ह बोल च्वयाः लय नं तयादीम्ह विकास रत्न कंसाकार खःसा थुगु म्ये नांजाःम्ह संगीत संयोजक जिवित् जल्मिं यानातःगु दु ।
ईया महत्वयात ध्यानय् तयाः अतिकं सामान्य औपचारिक रुपं न्ह्याकुगु थुगु म्युजिक भिडियोया ज्याझ्वलं छगू न्हूगु ट्रेण्डयात नं न्ह्यथंगु दु। यक्व ई सितिं मछ्वःसे भिडियो निर्माणया झ्वलय् मुंकुगु अनुभव सकल कलाकारपिंसं न्यंकुगु खःसा भिडियो स्वयाः पाहांकथं ब्वनातःपिं दर्शनवीर शाक्य, सुरेन्द्र तुलाधर, सरजवीर बज्राचार्य, विराजकाजी राजोपाध्याय्, भीम तुलाधर, संजीप प्रधान व मेमेपिंसं प्रतिकृया नं बियादीगु खः ।
भिडियोया छायाँकन लुजः सिंहं यानातःगु दु सा, मेक अप सनम कुमार श्रेष्ठं यानातःगु दु । भिडियोया सम्पादन व कलर करेशन लुजः इन्टरटेन्मेन्ट पाखें जुयाःच्वंगु दु ।
