संगीत ख्यलय् अतिकं बयबय् जुयाःच्वंगु जोडी रोजमान महर्जन व वरिष्ठ गायिका निशा देशारया न्हूगु म्ये माया मदुलाया प्रिमियर रस्टी गार्डेन रेष्टुरेन्ट जुल। ललितपुर वडा नं २१या अध्यक्ष रविन्द्र महर्जनया आथित्यताय् भिडियोस आवद्ध कलाकारपिंत सम्मान व दसिपौ नं लःल्हाःगु खः ।
भिडियोस नेपालभाषा ख्यःया हिट जोडी मनोज महर्जन व नेरिसा महर्जनया जोडी दु । आशुतोष बाराहीया निर्देशनय् युट्युबया लोकंह्वाःगु चरित्र थुगु हे पुचःया हिराकाजी, ल्याम्हकाजी व आशामान अर्थात जेनिस शाक्य, आशुतोष बाराही व नितेश तण्डुकारया पुचः लिसें इरा महर्जन व संजना महर्जन नं दु ।
थुगु म्युजिक भिडियोया ज्यासः फिल्मसं न्ह्यब्वःगु खः । म्येया कोरियोग्राफ इरा महर्जनं यानातःगु दु । भिडियोया छायाँकन न्हूजः शाक्य व अविन शाक्यं यानातःगु दु सा निर्देशन व सम्पादन आशुतोष बाराहीं हे यानातःगु दु ।
ज्याझ्वलय् कुमाः सागरं थःगु लोकंह्वाःगु थी थी म्ये हालाः न्यंकुगु खःसा गायक रोजमान महर्जन व नीशा देशारं अय्ला लु वयाः म्ये न्यंकुगु खः ।
