न्हय्क्वःगु राष्ट्रिय समावेशी म्युजिक अवार्ड (७क्वःगु निम अवार्ड २०२४)य् मुक्कं ४२गू विधाय् अवार्ड लःल्हात गुकिइ पेजथ्री बाःछिपौया सम्पादक दर्शनवीर शाक्ययात नेपालभाषा विधाय् उत्कृष्ट निर्देशक कथं जिगु देय् जित यः म्येयात ब्यूगु खः ।
नेपालय् ल्हाइगु दक्वं हे भाषा संविधानं राष्ट्रिय भाषाया मान्यता बियातये धुंकाः नं केवल छगू हे भाषाया म्येयात जक प्राथमिकताय् तयाः ज्याझ्वः यायेगु पाय्छि मखु धकाः आयोजक संस्था पिम नेपालया अध्यक्ष माधवराज खरेलं लसकुस न्वच्वुलय् उद्घोष यानादील । लिसें झीसं हरेक राष्ट्रिय भाषायात तिबः बिइगु ज्या खँ मयात धाःसा कन्हे वनां झीगु अस्तित्व हे संकटय् लाइगु खँ नं तयादील ।
नेपालभाषाया विधा पाखे नातिकाजी महर्जनं बांला आपलं बोलया म्ये पाखें उत्कृष्ट रचना, मनराजा नकःमिं असं बजारय् मगं बजारय् उत्कृष्ट संगीत, नेपालभाषा गायनय् मोहन शाक्यं त्याकुगु खः ।
ज्याझ्वःया मु आकर्षण कथं रजत संगीत सम्मान २०२४ कथं अग्रज संगीतकार जुगल डंगोलयात लःल्हाःगु खः । संघीय मामिला तथा सामान्य प्रशासन मन्त्री भानुभक्त जोशीं जुगल डंगोलयात थुगु सम्मान लःल्हाःगु खः । ज्याझ्वलय् म्येहालामि निशा देशारं जुगल डंगोलया संगीतको ‘साउनको भेल जस्तो’ बोलया गजल न्ह्यब्वःगु खःसा बाँसुरीबादक नगेन्द्र राईं जुगल डंगोलया संगीतय् बाँसुरीया धुन पूगु खः । थुगु हे समारोहस संस्कृतिकर्मी चन्द्र कुमार राई, साहित्यकार हरिसिंह थापालगायत नं सम्मान याःगु खःसा संगीत पत्रकारिता पुरस्कार रंग पत्रकार हरि दुलालयात लःल्हाःगु खः।
ज्याझ्वलय् आधुनिक म्ये पाखे नव गायकया अवार्ड राजु भट्टयात, नव गायक जुरी अवार्ड सन्त बहादुर दराई व नव गायिकायाअवार्ड प्रिजा मिश्रं, आधुनिक गायक विधापाखे यस कुमार, गायिकापाखे निता आचार्य, आधुनिक संगीतकार नरहरी प्रेमी, गीतकार टेक तामाङ, आधुनिक महिला गीतकार सविता पोख्रेल, राष्ट्रिय भाव गीत कर्मा, गलज रुद्रशेखर शर्मा, गजलया जुरी अवार्ड संगीता राना प्रधान, युगल गायन मोहन श्रेष्ठ व सहिमा श्रेष्ठ, पप गायन डेविड शंकर, गायक डायस्पोरा अवार्ड चेष्टर लिम्बू, लोक पपपाखे नविन कार्की, गीतकार अवार्ड अनिल तिखत्री, संगीतकार अवार्ड मानस राजं त्याकल ।
लोकदोहोरी पाखे पुरुष मोडलया अवार्ड सागर लम्साल (बले), मिसा मोडल पाखे एन जेड सालु, महिला मोडलया जुरी अवार्ड प्रमिता राजघतानीं त्याकल सा नव मोडल मिजं पाखे बसन्त उदासं त्याकले । नव मोडल महिलाया अवार्ड मिशेल घिमिरे, लोक गीत पाखे मौलीक गीतया अवार्ड हेमन्त कान्छा रसाईली व उत्कृष्ट म्युजिक भिडियो निर्देशकया अवार्ड कमल एक्चै मगरं त्याकल । लोकदोहोरी पाखे म्ये रचनाया अवार्ड सागर बाँस्तोला, लय आवर्ड ऋषि खड्का, गायक अवार्ड राम कुमार नेपाली व गायिकाया अवार्ड सञ्जु न्यौपानें त्याकल ।
अथेहे नव महिला मोडल पाखे पब्लिक च्वाईस अवार्ड पुनम श्रेष्ठ, कोरियोग्रफरपाखे अवार्ड राहुल बराईली, म्युजिक एरेन्जरया अवार्ड सुदिप सागर, आधुनिक/ पप म्येपाखे भिडियो निर्देशकया अवार्ड केशव राज भट्ट, पुरुष मोडलया अवार्ड राज टाईगर, महिला मोडलया अवार्ड अश्विनी शाही व लोकदोहोरी भिडियो निर्देशकया अवार्ड सृजन बरालं त्याकल ।
प्राविधिक विधापाखे ध्वनी मिश्रणया अवार्ड नरेन्द्र वियोगी, छायाँकारया अवार्ड मुकेश हुमागाई, म्युजिक भिडियो सम्पादकया अवार्ड अमृत चापागाई, समावेशी पाखे डेउडा म्येया अवार्ड शान्ति शाही, मैथली भोजपुरी पाखे प्रेमनारायण झा, गायनया अवार्ड विरेन्द्र कुमार झा, म्युजिक भिडियो अवार्ड मुन्ना कुमार व जुरी अवार्ड बद्री शाहं त्याकल ।
