नेपालभाषाया न्हूगु संकिपा धर्मलक्ष्मीया विशेष शो कमलविनायक हलय् चैत २६गते जुइत्यंगु दु । एए स्टार मिडिया प्रोडक्शन हाउसया प्रस्तु्तिइ तयार जूगु धर्मलक्ष्मी संकिपाया निर्माता सिताराम माकः ( मनका राजा) खः । थुगु प्याखनय् अभय्, दिब्या, प्रकाश, सिताराम, विमला, अष्ट, सरु व बुद्ध महर्जनया अभिनय दुथ्यानाच्वंगु दु ।
विशुद्ध मनोरंजन लिसें सन्देश मुलक व नेवाः मौलिक परम्परा, कला, संस्कृतिया व झीगु हे समाजय् जुयाःच्वंगु थीथी घटना न्ह्यब्वयातःगु थुगु प्याखँ सकल नेवाः तय्सं छक्व स्वये हे माः धकाः प्याखँया निर्देशक अभय श्लोकं पेज थ्री बाःछिपौ मार्फत इनाप यानादीगु दु । थुगु प्याखँ कमलविनायक हलय् छन्हुं हे निगु शो क्यनेत्यंगु खः ।
