बागमती सरकारया सत्ता गठबन्धनयात बहुमत मालाच्वंगु इलय् हाम्रो नेपाली पार्टी पाखें सरकारयात समर्थन यायेवं अल्पमतय् लानाच्वंगु सत्ता सरकार आः बहुमतय् थ्यंगु दु । सत्ता गठबन्धन परिवर्तन लिपा हाम्रो नेपाली पार्टीया शैलेन्द्रमान बज्राचार्य मन्त्री पदया जिम्मेवारी ब्यूगु दु ।
सत्ता गठबन्धनया निर्णायक पार्टि कथं भूमिका म्हीतुगु हाम्रो नेपाली पार्टिया संसदीय दलया नेता शैलेन्द्र मान बज्राचार्यं मन्त्री पदया शपथ ग्रहण नं यायेधुंकुगु दु । वय्कःयात संस्कृति पर्यटन तथा सहकारी मन्त्रालयया जिम्मेवारी ब्यूगु खः ।
सत्ता गठबन्धनपाखें मुख्यमन्त्री शालिकराम जम्कट्टेलं वय्कःयात संस्कृति पर्यटन तथा सहकारी मन्त्रालयया जिम्मेवारी बियाः मन्त्री मण्डल विस्तार यागु खः । वय्कलं थःगु मांभाय् नेपालभाषां शपथ ग्रहण यानादीगु खः ।
बज्राचार्यया स्वंगू सर्त पूरा याइगु आश्वासनलिसें जम्कट्टेलयात समर्थन यायेत तयार जुयादीगु खः ।
– विगतया कमिकमजोरी स्वीकार याना लिखित यायेमाःगु ।
– प्रदेशय् दुगु १२गु मन्त्रालययात ११ कायम यायेमाःगु, अले उद्योग, बाणिज्य, भूमि तथा प्रशासन मन्त्रालययात सांस्कृतिक तथा पर्यटन मन्त्रालयस हयेमाःगु
– सरकारया नेतृत्व पालंपाः जुइमाःगु ।
